1 MONGOLIA’S MONGOLSAT NETWORKS OPTIMIZES MULTI-SCREEN VIDEO DELIVERY WITH VERIMATRIX AND MOTV.EU WWW.FINANCE.YAHOO.COM PUBLISHED:2019/06/17      2 ASIANA AIRLINES ADDS MONGOLIA SERVICE FROM JULY 2019 WWW.ROUTESONLINE.COM PUBLISHED:2019/06/17      3 EU AND MONGOLIA COMPLETE NUCLEAR SAFETY PROJECT WWW.EEAS.EUROPA.EU PUBLISHED:2019/06/17      4 GLOBAL AI CHIP MARKET TO GROW TENFOLD IN NEXT FIVE YEARS: WHITE PAPER WWW.CHINADAILY.COM.CN PUBLISHED:2019/06/17      5 CHINA TO ROLL OUT NEW RARE EARTHS POLICY ‘AS SOON AS POSSIBLE’ WWW.RT.COM PUBLISHED:2019/06/17      6 JAPAN ASKS MONGOLIA TO HELP WITH ABDUCTION ISSUE WWW.NHK.OR.JP PUBLISHED:2019/06/17      7 PRESIDENT KH. BATTULGA DELIVERS SPEECH AT THE OPENING OF KHAAN QUEST-2019 WWW.MONTSAME.MN PUBLISHED:2019/06/17      8 PM U.KHURELSUKH RECEIVES FOREIGN MINISTER OF JAPAN TARO KONO WWW.MONTSAME.MN PUBLISHED:2019/06/17      9 CHINA, RUSSIA, MONGOLIA VOW TO STRENGTHEN TRILATERAL COOPERATION WWW.BELTROAD.NEWS PUBLISHED:2019/06/16      10 COUNTRY REPRESENTATIVE IN MONGOLIA (VACANCY NOTICE)- AMERICAN COUNCILS FOR INTERNATIONAL EDUCATION WWW.MONGOLIANBUSINESSDATABASE.COM PUBLISHED:2019/06/16      ТӨСЛИЙН II ДАХЬ ҮЕ ШАТЫГ 19.5 САЯ ЕВРОГООР САНХҮҮЖҮҮЛЭХЭЭР ТОХИРОЛЦЖЭЭ WWW.EAGLE.MN  НИЙТЭЛСЭН:2019/06/17     НИЙГМИЙН ХАЛАМЖИЙН ТЭТГЭВЭР, ТЭТГЭМЖ АВАГЧИЙН ТОО 203.5 МЯНГААР НЭМЭГДЖЭЭ WWW.EAGLE.MN НИЙТЭЛСЭН:2019/06/17     ИМПОРТЫН ӨСӨЛТ СААРЧ V САРЫН БАЙДЛААР 6 ХУВЬД ХҮРЭВ WWW.BLOOMBERGTV.MN  НИЙТЭЛСЭН:2019/06/17     СЗХ: “МИК АКТИВ 9” ХХК-Д ХӨРӨНГӨӨР БАТАЛГААЖСАН ҮНЭТ ЦААС ГАРГАХ ЗӨВШӨӨРӨЛ ОЛГОЛОО WWW.BLOOMBERGTV.MN НИЙТЭЛСЭН:2019/06/17     МОНГОЛЫН КОМПАНИУДАД БИЗНЕСИЙН ЁС ЗҮЙ НЭВТРҮҮЛНЭ WWW.ZGM.MN  НИЙТЭЛСЭН:2019/06/17     ЭКСПОРТ 7 ТЭРБУМ ДОЛЛАРТ ХҮРЧЭЭ WWW.EAGLE.MN НИЙТЭЛСЭН:2019/06/17     МОНГОЛ УЛСЫН ГАДААД ӨР 1.6 ТЭРБУМ АМ.ДОЛЛАРООР ӨСӨВ WWW.EAGLE.MN НИЙТЭЛСЭН:2019/06/17     "БРИТАНИ-ТАЙ БИЗНЕС ЭРХЛЭХ НЬ" СЕМИНАР ЗОХИОН БАЙГУУЛАГДЛАА WWW.MONGOLIANBUSINESSDATABASE.COM НИЙТЭЛСЭН:2019/06/16     БНКУ, МОНГОЛ УЛСЫН ХУДАЛДАА СҮҮЛИЙН ЖИЛҮҮДЭД БУУРЧЭЭ WWW.BLOOMBERGTV.MN  НИЙТЭЛСЭН:2019/06/13     ТАВАНТОЛГОЙ-ЗҮҮНБАЯНГИЙН ТӨМӨР ЗАМЫН АЖЛЫН ЗӨВШӨӨРЛИЙГ “МОНГОЛЫН ТӨМӨР ЗАМ” ТӨХК-Д ОЛГОЛОО WWW.EAGLE.MN  НИЙТЭЛСЭН:2019/06/13    

Нүүрсний экспорт базаахгүй эхэллээ www.zgm.mn

Монголын нүүрс экспортлогчдын хоног тоолон хүлээсэн импортын хоригийн хугацаа дууслаа. Сүүлийн хоёр жил биднийг орлогоор таслаагүй нүүрсний борлуулалт оны өмнөхөн гэнэт зогсож, доллараар цангах дохио 2018 онд хангинаж эхэлсэн. Харин хуучин хоригоос салгах шинэ он айлчлан ирснээр Монгол Улс худалдааны хязгаарлалтаас мултарч, нүүрсний экспортоо хэвийн үргэлжлүүлэх боломж бүрдсэн юм. Тэгвэл бүтэн сар хаалттай байсан урд хөршийн үүд нээгдэж, Монголын нүүрсний экспорт хүлээснээс суларсан эсэхийг бид тодрууллаа.

Энэ долоо хоногийн мягмар гараг буюу өчигдрийн байдлаар Гашуунсухайт-Ганцмод боомтоор нүүрс ачсан 400 орчим автомашин нэвтэрчээ. Тус боомтоор нэвтэрсэн ачааны автомашины тоо сүүлийн гурван өдөр 350-450-д хэлбэлзэж буй бол оны эхний өдрүүд буюу нэгдүгээр сарын 2-5-нд ердөө 3-150 тээврийн хэрэгсэл хил гарчээ. Нүүрс тээвэрлэгч компаниудад “C” ангиллын зөвшөөрөл олгоогүйгээс оны эхний өдрүүдэд ийн саатсан гэж “Гашуунсухайт автозам” компаниас мэдээллээ.

Харин энэ долоо хоног эхлэхэд автомашинууд тээвэрлэлтээ хэвийн явуулж байгаа аж. Боомтоор нэвтэрч буй автомашины тоо өмнөх оны мөн үеэс 20-30 хувиар бага байна. Тиймээс тээврийн замд ачаалал дараалал харьцангуй бага байгаа аж.

Тавантолгойн бүлэг ордоос нүүрс экспортолж буй “Эрдэнэс тавантолгой”, орон нутгийн өмчит “Тавантолгой” болон “Энержи Ресурс” компанийн олборлолт хэвийн үргэлжилж байгаа. Гол гурван компани өдөрт дунджаар 700-800 автомашин нүүрс олборлож буй аж. Үүний дийлэнхийг “Эрдэнэс тавантолгой” компани бүрдүүлж байна.

Монгол Улс энэ онд төсвийн орлогынхоо арван төгрөг тутмын нэгийг нүүрснээс олохоор төлөвлөсөн. Тиймээс Хятадын хилээр нэвтэрч буй тонн нүүрс бүр Монголын нийгэм, эдийн засгийн энэ оны хөгжлийг тодорхойлоход түлхэц үзүүлнэ. Монгол Улс энэ онд 42 сая тонн нүүрс экспортолж, 1.3 их наяд төгрөг олохоор төсөвт тусгасан. Эрдсийн экспортын 43 хувьтай тэнцэх энэ мөнгийг олохын тулд бид сард хамгийн багадаа 3.5 сая тонн нүүрс экспортлох учиртай. Ингэж байж төсвийн орлого бүрдэж, төрийн албан хаагчдын цалингаас эхлээд хөгшдийн тэтгэвэр, хүүхдийн мөнгийг тогтмол тавина. Манай нүүрсний нийт экспортын 60 орчим хувийг гаргадаг Гашуунсухайт-Ганцмод боомтоор өдөрт дунджаар 1500-1600 автомашин нэвтрүүлж байж, бид энэ оны өөдрөг зорилтоо биелүүлж чадна. Гэвч оны эхний есөн өдрийн байдлаар үүний гуравны нэгтэй тэнцэх хэмжээний нүүрсийг урд хөршид нийлүүлж байна. Товчхондоо, бид 2019 оныг базаахгүй эхэлж байна. Тиймээс нүүрснээс нэг их наядыг амархан олчихно хэмээн санаа амарч суугаа сангийн бодлого тодорхойлогчид ч сайнгүй эхлэлээс сэрэмж авахад илүүдэхгүй болж байна.

Дээрээс нь ирэх өдрүүдэд хоёр улсын уламжлалт баярууд залгана. Хятадын хаврын баяр, Монголын сар шинийн баяр ирэх сарын 5-нд зэрэгцэн тохиохоор байна. Үүнээс үүдэн урд хөрш хоёрдугаар сарын 4-10- ыг албан ёсны амралтын өдөр болгожээ. Өмнөх онуудын нэг болон хоёрдугаар сард нүүрсний нийлүүлэлт харьцангуй буурдаг нийтлэг дүр зураг ажиглагдаж ирсэн. Харин энэ онд нийтлэг үзүүлэлтээс илүү багасчээ.

• Энэ долоо хоногийн мягмар гарагийн байдлаар Гашуунсухайт-Ганцмод боомтоор нүүрс ачсан 400 орчим автомашин нэвтэрчээ.

• Оны эхний өдрүүд буюу нэгдүгээр сарын 2-5-нд ердөө 3-150 тээврийн хэрэгсэл хил гарчээ.

• Манай нүүрсний нийт экспортын 60 орчим хувийг гаргадаг Гашуунсухайт-Ганцмод боомтоор өдөрт дунджаар 1500-1600 автомашин нэвтрүүлж байж, бид энэ оны өөдрөг зорилтоо биелүүлж чадна.

Харин нүүрсний экспортын 30 хувийг нийлүүлдэг Шивээхүрэн-Сэхэ боомтоор өдөрт дунджаар 650-750 машин нүүрс гарч байгаа аж.

Тус боомтоор Нарийнсухайтын бүлэг ордод олборлолт хийдэг Southgobi Sands, МАК, “Өсөх зоос”, “Шинхуа-МАК” зэрэг компани нүүрсээ экспортолж байна.

Ер нь урд хөршийн томоохон хотуудад агаарын бохирдол бууртал буюу ирэх сар хүртэл БНХАУ дулааны нүүрсэнд нүүр өгөхгүй хэвээр байх нь. Харин үүнд нь коксжих нүүрс экспортлогчид хэлмэгдэж магадгүй байна.



Нийтэлсэн огноо2019-01-10