1 MONGOLIA'S FOREIGN TRADE UP 10.2 PCT IN JAN.-MAY WWW.XINHUANET.COM PUBLISHED:2019/06/13      2 TRADE TURNOVER REACHES USD 5.6 BILLION AS OF MAY WWW.ZGM.MN PUBLISHED:2019/06/13      3 SHARP : BUILDS MEGA SOLAR PLANT NEAR NEW ULAANBAATAR INTERNATIONAL AIRPORT, MONGOLIA WWW.MARKETSCREENER.COM PUBLISHED:2019/06/13      4 PRESIDENTS OF KYRGYZSTAN AND MONGOLIA SIGN NUMBER OF DOCUMENTS WWW.24.KG PUBLISHED:2019/06/12      5 ONLINE SYSTEM FOR BUDGET INVESTMENT LAUNCHES WWW.MONTSAME.MN PUBLISHED:2019/06/12      6 CABINET ISSUES PERMIT OF RAILWAY INFRASTRUCTURE CONSTRUCTION WWW.MONTSAME.MN PUBLISHED:2019/06/12      7 MAKING THE DEADLY UB-DARKHAN HIGHWAY SAFE WWW.NEWS.MN PUBLISHED:2019/06/12      8 COOPERATIVE TECHNICAL AND VOCATIONAL EDUCATION AND TRAINING PROJECT LAUNCHED WWW.MONTSAME.MN PUBLISHED:2019/06/12      9 MONGOLIA, LITHUANIA SIGN ROAD TRANSPORT AGREEMENT WWW.AKIPRESS.COM PUBLISHED:2019/06/12      10 TRANSIT FREIGHTS ON THE RISE AMID GROWING TRADE BETWEEN RUSSIA AND CHINA WWW.ZGM.MN PUBLISHED:2019/06/12      БНКУ, МОНГОЛ УЛСЫН ХУДАЛДАА СҮҮЛИЙН ЖИЛҮҮДЭД БУУРЧЭЭ WWW.BLOOMBERGTV.MN  НИЙТЭЛСЭН:2019/06/13     ТАВАНТОЛГОЙ-ЗҮҮНБАЯНГИЙН ТӨМӨР ЗАМЫН АЖЛЫН ЗӨВШӨӨРЛИЙГ “МОНГОЛЫН ТӨМӨР ЗАМ” ТӨХК-Д ОЛГОЛОО WWW.EAGLE.MN  НИЙТЭЛСЭН:2019/06/13     V САРД МАХ, ШАТАХУУНЫ ҮНЭ ИНФЛЯЦИД ГОЛЛОН НӨЛӨӨЛЖЭЭ WWW.BLOOMBERGTV.MN НИЙТЭЛСЭН:2019/06/13     27 САЯ АМ.ДОЛЛАРЫН САНХҮҮЖИЛТЭЭР АЛТАНБУЛАГ, СҮХБААТАР БООМТЫГ ШИНЭЧЛЭХЭЭР БОЛЖЭЭ WWW.IKON.MN  НИЙТЭЛСЭН:2019/06/13     МОНГОЛ УЛСАД АЖИЛЛАХ ХҮЧНИЙ 1.3 САЯ ХҮН БАЙНА WWW.EAGLE.MN  НИЙТЭЛСЭН:2019/06/13     I-V САРД ЧУЛУУН НҮҮРСНИЙ ЭКСПОРТ ӨМНӨХ ОНЫ МӨН ҮЕЭС 7 ХУВИАР ӨСӨЖ,15.1 САЯ ТОНН БОЛЖЭЭ WWW.BLOOMBERGTV.MN  НИЙТЭЛСЭН:2019/06/13     ХУГАЦАА ХЭТЭРСЭН ЗЭЭЛ ӨМНӨХ ОНООС 12.7%-ААР БУУРЧ, ЧАНАРГҮЙ ЗЭЭЛ 61.8% ӨСЖЭЭ WWW.IKON.MN  НИЙТЭЛСЭН:2019/06/13     МОНГОЛ УЛСЫН ТӨСӨВ 146.1 ТЭРБУМ ТӨГРӨГИЙН АШИГТАЙ ГАРЧЭЭ WWW.EAGLE.MN  НИЙТЭЛСЭН:2019/06/13     "ГАЗРЫН ТОСНЫ ҮЙЛДВЭРИЙН ЦАХИЛГААНЫ ДЭД СТАНЦЫГ ДОЛООДУГААР, АВТО ЗАМЫГ ЕСДҮГЭЭР САРД ХҮЛЭЭЛГЭЖ ӨГНӨ" WWW.IKON.MN  НИЙТЭЛСЭН:2019/06/12     УУЛ УУРХАЙН САЛБАРТ ОРЖ ИРСЭН ГШХО 16 ХУВИАР БУУРЧЭЭ WWW.BLOOMBERGTV.MN НИЙТЭЛСЭН:2019/06/12    

27 сая ам.долларын санхүүжилтээр Алтанбулаг, Сүхбаатар боомтыг шинэчлэхээр болжээ www.ikon.mn

Улаанбаатар хотоос 350 км зайтай, ОХУ-тай хиллэдэг Алтанбулаг, Сүхбаатар боомтуудад Азийн хөгжлийн банкны 27 сая ам.долларын санхүүжилттэй шинэчлэл, бүтээн байгуулалтын төсөл хэрэгжих гэж байна.
 
Төсөл 2024 он хүртэл үргэлжлэх бөгөөд Сэлэнгийн гаалийн газрын харьяа Алтанбулаг боомт дээрх салбар лабораторийг бэхжүүлэх, лабораторийн барилгыг шинээр барих, тоног төхөөрөмжийн шинэчлэлт хийх юм байна.
Сэлэнгэ аймаг дахь гаалийн газрын дарга М.Дамдинхорол боомтдоо хийгдэх бүтээн байгуулалтын ажлыг танилцууллаа. Тэрбээр "Төслийн хүрээнд Алтанбулаг боомтын байрыг өргөтгөн, зорчигчийн хүлээлгийн заалтай болно. Ачаа тээврийн шалган нэвтрүүлэх хэсгийг мөн шинэчилнэ. Гааль, мэргэжлийн хяналтын лаборатори, холимог бодисын агуулах, эрэлч нохойн байр, агуулах үзлэг шалгалтын байрыг шинээр барихаар төлөвлөсөн.
 
Түүнчлэн боомтыг олон улсын замтай хатуу хучилттай замаар холбох ажлын ТЭЗҮ хийгдсэн. 1.6 км замын ажил удахгүй эхлэх байх.
 
Хамгийн гол гэж хэлж болох бүтээн байгуулалт нь нэг цэгийн үйлчилгээний байр юм. Боомт дээр гааль, хилийн цэрэг, мэргэжлийн хяналт, гадаадын иргэн харьяат гэсэн дөрвөн хяналтын байгууллага ажилладаг. Энэ дөрвөн байгууллагын үйлчилгээг нэг дороос олгосноор зорчигчид аятай тухтай явах нөхцөл бүрдэж, хяналт шалгалтын давхардал арилна" хэмээв.
 
 
Сэлэнгэ аймаг дахь гаалийн газар 1912 онд байгуулагдсан бөгөөд ОХУ-ын Хиагт боомттой хиллэдэг тус боомт 2014 онд манай хоёр улсын иргэд харилцан визгүй зорчдог болсноос хойш 24 цагийн ажиллагаатай болсон.
 
Хоногт дунджаар 2,000 зорчигч 500 автомашин шалган нэвтрүүлэх хүчин чадалтай тус боомтод шинэчлэл бүтээн байгуулалтын ажил хийгдсэнээр хүчин чадал хоёр дахин нэмэгдэх юм байна.
 
ГААЛИЙН ТӨВ ЛАБОРАТОРИ ЕСӨН АЙМАГТ САЛБАР ЛАБОРАТОРИТОЙ БОЛНО
 
 
Гаалийн байгууллага хоёр үндсэн чиг үүрэгтэй. Эхнийх нь ҮНДЭСНИЙ АЮУЛГҮЙ БАЙДЛЫГ ХАНГАХ, ХАМГААЛАХ буюу хар тамхи, мансууруулах бодис, онцгой хортой химийн бодис, садар самууныг сурталчилсан эд зүйл, онцгой хортой эм эмийн зүйлийг улсын хилээр нэвтрүүлэхгүй байхад хяналт тавьдаг.
 
Дараагийнх нь улсын хилээр нэвтэрч байгаа бараанд татвар ногдуулж, ТӨСӨВ БҮРДҮҮЛЭХ юм. Уг чиг үүргийнхээ хүрээнд гаалийн байгууллага 2019 онд 2.3 их наяд төгрөгийг төсөвт төвлөрүүлжээ. Монгол Улсын жилийн төсөв 8 их наяд орчим төгрөг байдаг бөгөөд үүний 2.3 их наядыг гаалийн байгууллага бүрдүүлсэн гэхээр Монгол Улсын жилд олдог 100 төгрөг тутмын 25 төгрөгийг гаалийнхан олсон гэсэн үг.
 
Төсөв бүрдүүлэхэд онцгой үүрэгтэй ажилладаг Гаалийн байгууллагын дэд бүтцийг сайжруулах чиглэлээр 2019 онд 65.3 тэрбум төгрөг төсөвлөжээ. 2017 онд 27.4, 2018 он 31.3 тэрбум төгрөг төсөвлөж, үүний 70 гаруй хувь нь ажиллагсдын цалин, нэмэгдэл, урамшил, НДШ-д зарцуулагдаж байсантай харьцуулахад энэ жил бүтээн байгуулалтад зориулан өндөр дүнтэй төсөв батлуулсан нь энэ аж.
 
Гадны санхүүжилт, буцалтгүй тусламжаар олон шинэчлэл, бүтээн байгуулалтын ажил хийгдэж байгаагаас гадна төсвөөс есөн аймагт салбар лаборатори шинээр барих, лабораторийн тоног төхөөрөмжүүдийг шинэчлэх ажлыг хийх юм байна. Ингэхдээ тухайн гаалийн газрын харьяа боомтоор ямар төрлийн бараа орж, гардгийг үндэслэн тус бүрийн онцлогт таарсан чадамжтай лабораторийг байгуулахаар төлөвлөжээ.
 
Одоогоор Замын-Үүд, Алтанбулаг, Цагааннуур, Чойр, Дорнодод Гаалийн төв лабораторийн салбар ажиллаж байгаа бөгөөд тэдгээрийг шинэчлэх ажил мөн хэрэгжиж байна.
 
Монгол Улсад Гаалийн ерөнхий газрын харьяа 18 аймагт гаалийн газар үйл ажиллагаа явуулж байгаа. Тус 18 гаалийн газрын харьяа олон улсын, хоёр улсын, байнгын болон түр ажиллагаатай гэсэн 46 боомт ажилладаг.
 
Гаалийн байгууллагад нийт 1,480 хүн ажилладаг. Үүний 380 нь төрийн үйлчилгээний албан хаагчид, 1,100 нь төрийн тусгай албан хаагч буюу гаалийн улсын байцаагч.


Нийтэлсэн огноо2019-06-13