Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
Монгол банк : Бүх секторын түвшинд санхүүгийн нөөцийг хуримтлуулж, эрсдэл даах чадварыг бэхжүүлэх шаардлага өндөр байна www.bloombergtv.mn
Монголбанкны Мөнгөний бодлогын хороо ээлжит хурлаараа бодлогын хүүг 11 хувьд хэвээр үлдээх шийдвэр гаргалаа. Эрэлтийн шалтгаантай суурь инфляци харьцангуй тогтвортой байгааг мөнгөний бодлогын мэдэгдэлд онцлов.
2019 оны наймдугаар сард инфляци улсын хэмжээнд 8.9 гарсан бөгөөд үүний шалтгаан нь нийлүүлэлтийн хүчин зүйлс буюу мах, хүнсний ногоо, их дээд сургуулиудын сургалтын төлбөр болон бусад Төрийн зохицуулалттай бүтээгдэхүүний үнэ өссөнтэй холбоотой байна.
Статистикийг харвал Улаанбаатарын инфляцийн гурван нэгж хувийг нь махны үнэ дангаараа тайлбарлаж байгаа юм. Махны хувьд хүн амын хэрэгцээний 10 хувийг дангаараа эзэлдэг онцлогтой бүтээгдэхүүн. Эрэлтийн хүчин зүйл бага байгаа учраас инфляци цаашид зорилтот түвшний орчимд тогтворжих хандлагатай байна гэж үзжээ.
Түүнчлэн өмнөх улиралтай харьцуулахад гадаад тодорхойгүй байдал нэмэгдэж, дотоод эдийн засагт сөрөг нөлөө үзүүлэх эрсдэлтэй байна гэсэн өгүүлбэр мөнгөний бодлогын мэдэгдлээс анхаарал татлаа. Тиймээс бүх секторын түвшинд санхүүгийн нөөцийг хуримтлуулж, эрсдэл даах чадварыг бэхжүүлэх шаардлага өндөр байгааг Мөнгөний бодлогын хороо сануулсан байна.
Монголбанкны тэргүүн дэд Ерөнхийлөгч О.Эрдэмбилэг
Үүнээс гадна Төрөөс мөнгөний бодлогын талаар 2020 онд баримтлах үндсэн чиглэлийн төслийг Монголбанк танилцууллаа. Есдүгээр сарын Мөнгөний бодлогын хорооны хурлын онцлог нь Төрийн мөнгөний бодлогын үндсэн чиглэлийн төслийг хэлэлцдэг. Энэ удаагийн хурлаар хороо төслийг баталсан, удахгүй УИХ-д өргөн барина гэж мэдээлсэн юм.
Гадаад өр төлбөрийг шийдвэрлэхдээ олон улсын санхүүгийн байгууллагатай хамтрах, өрийг дахин санхүүжүүлэх чиглэл орсон байна. Мөн Төв банкны гадаад өрийг бууруулах, валютын нөөцийг нэмэгдүүлэх чиглэлээр үргэлжлүүлэн ажиллахаар тусгажээ. Инфляцийн түвшнийг өмнөх жилийнхтэй адил найман хувь, дунд хугацаанд зургаан хувьд тогтворжуулах зорилтоо хэвээр хадгалах юм байна. Мөн мөнгө угаах, терроризмыг санхүүжүүлэхтэй тэмцэхтэй холбоотой ажлуудаа үргэлжлүүлэн хийх зэрэг өмнөх жилийн чиглэлүүд тусгагдсан байна.
2020-2024 онд Төр, хувийн хэвшил 14.3 тэрбум ам.долларын өр төлбөр төлнө. Үүнээс Засгийн газар, Монголбанкны төлөх өр 6.7 тэрбум ам.доллар байгаа нь ирэх онуудын мөнгө, сангийн бодлогын хамгийн гол сорилтууд байхаар байна.
Нийтэлсэн огноо2019-09-18
