Мэдээ мэдээлэл

Англи амин дэм Монгол улсад албан ёсоор бүртгэгдлээ.

III улиралд олон улсын зах зээлд шатахууны үнэ 2.4 хувиар буурав www.bloombergtv.mn

III улиралд олон улсын хэмжээнд шатахууны үнэ дунджаар 2.4 хувиар хямдарчээ. Харин Монголд шатахуун түгээгүүрийн станцаар борлуулж байгаа бүтээгдэхүүний үнэ энэ хугацаанд 3.4 орчим хувиар буурсан байна.

Тухайлбал: нийслэлд АИ-95 шатахуун зургаадугаар сарын сүүлийн долоо хоногт 2290-2330 төгрөгийн үнэтэй байсан бол III улирлын төгсгөлийн долоо хоногт литр нь 2240 төгрөг болж буурчээ. Гаалийн ерөнхий газрын мэдээлснээр Монгол Улс оны эхний есөн сард 397.2 мянган тонн автобензин импортолсон нь 2018 оны мөн үеийн дүнгээс 78.2 мянган тонноор их байна. Харин импортын үнэ 14.7 хувиар буурч, 599 ам.доллар болжээ. Хэдий тийм боловч сүүлийн нэг жилийн хугацаанд импортын үнэ буурсныг үл харгалзан эцсийн хэрэглэгчид худалдах жижиглэн үнэ зургаа орчим хувиар өсжээ. Энэхүү өсөлтийг түгээгч компаниуд гадаад валютын ханш чангарсантай холбон тайлбарлаж байна.

“Bloomberg”-ийн сүлжээнд бүртгэгдсэн мэдээллээс харахад энэ хугацаанд төгрөгийн ам.доллартой харьцах ханш 5.1 хувиар суларчээ. “Bloomberg”-ийн судалгаанд багтсан 61 улсаас Хонгконгт шатахууны үнэ хамгийн өндөр буюу литр нь 2.26 ам.доллар байгаа аж. Хэдий тийм боловч иргэдийнх нь орлого өндөр учир нэг литр шатахуунд өдрийн цалингийнхаа ердөө 1.6 хувийг зарцуулж л байна.

Харин Монголд медиан цалин 843 мянган төгрөг байгаа бөгөөд нэг литр шатахуунд шатахууны чанараас хамааран дунджаар өдрийн цалингийн 4.7-5.8 хувийг зарцуулж байна.

Нийтэлсэн огноо2019-10-18

Категори

Үйл явдал

III улиралд олон улсын зах зээлд шатахууны үнэ 2.4 хувиар буурав www.bloombergtv.mn

Үйл Явдал

Мэдээ

Facebook