Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
СЕХ: 2000 оноос хойших хамгийн өндөр ирцтэй сонгууль боллоо www.bloombergtv.mn
Сонгуулийн ерөнхий хорооноос УИХ-ын ээлжит сонгууль хүчин төгөлдөр болсныг зарлаж, сонгуулийн дүнг нийтэд албан ёсоор танилцууллаа.
Найм дахь удаагийн сонгуулиар эрх баригч Монгол Ардын Нам 62, Ардчилсан нам 11 суудал авлаа. Мөн бусад нам эвслээс хоёр, бие даагч нэг тус тус сонгогдоод байна. Сонгуулийн ерөнхий хорооны хуралдаанаар УИХ-ын ээлжит сонгуулийн дүнгийн талаар хэлэлцэн сонгуулийн 29 тойрог тус бүрд хамгийн олон санал авсан 76 дэвшигчийг УИХ-ын гишүүнээр сонгогдсонд тооцсон тухай шийдвэрлэн тогтоол гаргасан юм.
УИХ-ын гишүүний үнэмлэхийг зургаадугаар сарын 29-ний өдөр гардуулсны дараа ээлжит сонгуулийн дүнг холбогдох шийдвэрийн хамт УИХ-д өргөн мэдүүлэх юм. Үүний дараа сонгуулийн дүн, УИХ-ын гишүүнээр сонгогдсонд тооцсон тухай шийдвэрийг Монгол Улсын Ерөнхийлөгчид өргөн мэдүүлнэ. УИХ-ын ээлжит сонгуулийн санал авах ажиллагаа лхагва гарагт болж, сонгогчдын нэрсийн жагсаалтад бүртгэгдсэн 2,003,969 сонгогчийн 73.65 хувь нь саналаа өгчээ. Энэ нь 2016 оны ирцтэй тун ойролцоо дүн болж байна.
Сонгогчийн санал авах ажиллагаа дууссаны дараа хяналтын тооллого хийх хэсгийг нам, эвслийн ажиглагчдаар, санамсаргүй сонголтын аргаар сугалуулан тогтоосон байна. Улсын хэмжээнд нийт 2070 хэсгийн 41.2 хувьд буюу 849 хэсэгт санал тоолох төхөөрөмжид уншигдсан саналын хуудсыг гар аргаар тоолоход ямар нэгэн зөрчил илрээгүй байна.
Нийтэлсэн огноо2020-06-28
