1 IOM FACILITATES RETURN OF 185 MONGOLIANS STRANDED IN CZECHIA WWW.RELIEFWEB.INT PUBLISHED:2020/08/12      2 MONGOLIA’S REPATRIATION STATISTICS WWW.NEWS.MN PUBLISHED:2020/08/12      3 WORLD BANK POLICY RECOMMENDATIONS ON MONGOLIA DISCUSSED WITH PARLIAMENT SPEAKER WWW.MONTSAME.MN PUBLISHED:2020/08/12      4 WASHINGTON THREATENS TO KICK CHINESE COMPANIES OFF US STOCK EXCHANGES WWW.CNN.COM PUBLISHED:2020/08/12      5 PUTIN HAILS NEW SPUTNIK MOMENT AS RUSSIA IS FIRST TO APPROVE A COVID-19 VACCINE WWW.REUTERS.COM PUBLISHED:2020/08/12      6 A SURPRISE 'SAFE-HAVEN' INVESTMENT HAS SURGED 180% SINCE MARCH WWW.CNN.COM PUBLISHED:2020/08/12      7 CHINA-MONGOLIA BORDER PORT SEES CARGO VOLUME INCREASES WWW.XINHUANET.COM PUBLISHED:2020/08/12      8 TİKA’S AGRICULTURAL SUPPORT FOR MONGOLIA CONTINUES WWW.TIKA.GOV.TR PUBLISHED:2020/08/12      9 FIRST PART OF MONGOLIA’S 30K SHEEP DONATION TO CHINA TO BE DELIVERED IN SEPTEMBER WWW.MONTSAME.MN PUBLISHED:2020/08/11      10 INVESTORS CALL FOR GREATER RIO TINTO ACCOUNTABILITY OVER DESTROYED CAVES WWW.REUTERS.COM PUBLISHED:2020/08/11      МОНГОЛ, КАЗАХСТАНЫ ХАМТЫН АЖИЛЛАГААГ ӨРГӨЖҮҮЛЭХ ТАЛААР ХОЁР ТАЛ САНАЛ СОЛИЛЦЛОО WWW.NEWS.MN НИЙТЭЛСЭН:2020/08/12     ЖИЖИГ, ДУНД ҮЙЛДВЭРИЙН ГАЗАР БАЙГУУЛАВ WWW.EAGLE.MN  НИЙТЭЛСЭН:2020/08/12     ИРГЭНИЙ ШИЛЖИЛТ ХӨДӨЛГӨӨНИЙГ ЭНЭ ДОЛОО ХОНОГТ ЗОГСООНО WWW.ICON.MN НИЙТЭЛСЭН:2020/08/12     ИХ БРИТАНИЙН ЭДИЙН ЗАСАГ УНАЛТАД ОРСНЫГ ЗАРЛАЛАА WWW.NEWS.MN НИЙТЭЛСЭН:2020/08/12     ЭРЭЭНИЙ БООМТООР ТЭЭВЭРЛЭСЭН ХЯТАДЫН АЧААНЫ ХЭМЖЭЭ НЭМЭГДЖЭЭ WWW.ZINDAA.MN НИЙТЭЛСЭН:2020/08/12     МОНГОЛ УЛС ШИЙДВЭР ГАРГАХ ТҮВШИН ДЭХ ЭМЭГТЭЙЧҮҮДИЙН ОРОЛЦООГООР ДЭЛХИЙН 193 ОРНООС 121-Т ЖАГСАЖ БАЙНА WWW.ICON.MN НИЙТЭЛСЭН:2020/08/12     KEIKYU ГРУПП ИНВЕСКОР ПРОПЕРТИ КОМПАНИТАЙ ХАМТРАН МОНГОЛЫН ҮЛ ХӨДЛӨХ ХӨРӨНГИЙН ЗАХ ЗЭЭЛД АЖИЛЛАНА WWW.ICON.MN НИЙТЭЛСЭН:2020/08/12     ОХУ БҮТЭЭСЭН ВАКЦИНАА “СПУТНИК V” ХЭМЭЭН НЭРЛЭЖЭЭ WWW.NEWS.MN НИЙТЭЛСЭН:2020/08/12     БНСУ-Д АЖИЛГҮЙДЛИЙН ТҮВШИН 11 ЖИЛД БАЙГААГҮЙ ӨНДӨР ХЭМЖЭЭНД ХҮРЧЭЭ WWW.MONTSAME.MN НИЙТЭЛСЭН:2020/08/12     ЦАХИЛГААН АВТОБУС 10 ДАХИН БАГА ЗАРДЛААР ИРГЭДЭД ҮЙЛЧИЛЖ БАЙНА WWW.UNUUDUR.MN  НИЙТЭЛСЭН:2020/08/11    

Төмс, хүнсний ногооны үнэ хоёр дахин нэмэгдлээ www.zgm.mn

Шинэ ургац гарахаас өмнө төмс, хүнсний ногооны үнэ нэмэгддэг ч сүүлийн таван жилд одоогийнх шиг хоёр дахин нэмэгдэж байсангүй
Өнгөрсөн амралтын өдрүүдээс зарим худалдааны зах болон супер маркетууд нэг кг төмсийг 2500 төгрөгөөр борлуулсан нь иргэдийг ихээхэн бухимдуулав. Төмс, хүнсний ногооны үнэ хэрхэн нэмэгдсэн талаар сурвалжлахаар Бөмбөгөр худалдааны төвийг зорилоо. Эгнэн өрсөн төмс болон бусад хүнсний ногооны үнийг хэд хэдэн удаа өөрчилсөн бололтой балалж, сохолсон байсан юм. Тухайлбал, төмс 2500 төгрөг байсныг 2000 болгожээ. Лууван 2200 төгрөг байсныг 2000 болгосон бол хүрэн манжинг 500 төгрөгөөр бууруулан 3000 төгрөг болгожээ. Өнгөрсөн амралтын өдөр төмс болон бусад хүнсний ногооны үнэд ийнхүү өөрчлөлт орсон хэмээн тус төвийн худалдагч нар хэлэв. Бөмбөгөр худалдааны төвөөр үйлчлүүлэх 40 гаруй насны эмэгтэй “Амралтын өдөр нэг кг төмс 2500 төгрөгийн үнэтэй байсан. Өнөөдөр (өчигдөр) хүнсний ногооны үнэ 200-500 төгрөгөөр буурсан байна. Дахиад буурах байх гэсэн хүлээлттэй байгаа учраас их хэмжээгээр авалгүй, боломжийнхоо хэрээр бага багаар авч байна. Коронавирусээс болоод иргэдийн худалдан авалт муу байхад үнээ нэмж байгаад бухимдаж байна” хэмээлээ.
Тус төвд монгол төмс 2000, лууван 2000, байцаа 2500, сонгино 5000, шар манжин 6000-7000 төгрөг болсон байв. “Тариалан эрхлэгчдийн зооринд хадгалсан төмс, хүнсний ногоо дуусах дөхөж байгаа учраас үнэ нь ийнхүү нэмэгдсэн. Шинэ ургацын ногоо гарахаас өмнө жил бүр үнэ нэмэгддэг нь бичигдээгүй хууль шүү дээ. Тэгэхээр гайхах зүйл байхгүй” хэмээн Бөмбөгөр худалдааны төвийн худалдагч Г.Чимгээ хэлсэн юм. Өмнөх оны мөн үетэй харьцуулахад төмс болон зарим хүнсний ногооны үнэ хоёр дахин нэмэгдсэн байлаа. Тэр ч байтугай нэг сарын өмнөхөөс ч хоёр дахин нэмэгдсэн байсан юм. Тухайн үед төмс 900, манжин 2500, сонгино 1500 төгрөгөөр худалдаалж байсан гэх үнийн мэдээллийг Нийслэлийн статистикийн газраас гаргажээ. Шинэ ургац гарахаас өмнө төмс, хүнсний ногооны үнэ жил бүрийн өдийд нэмэгддэг хэдий ч сүүлийн таван жилд одоогийнх шиг хоёр дахин нэмэгдэж байгаагүйг тоо баримтаас харж болохоор байлаа. Харин Хүчит шонхор захад төмс, хүнсний ногооны үнэ Бөмбөгөр худалдааны төвтэй адил байсан ч монгол гэх тодотголтой сонгино арай хямд буюу 2000-3500 төгрөг байсан юм. Тус захын худалдагч М.Сарнай “Өнгөрсөн амралтын өдрүүдэд төмс болон бусад хүнсний ногооны үнэ нэмэгдсэн.
Шинэ ургац гараагүйтэй холбоотой үнийн хөөрөгдөл үүсэж байна. Цаашид үнэ нь улам нэмэгдэнэ гэх яриа гарсан. Бид 100-200 төгрөг л нэмж зарж байгаа. Төмс цаанаасаа ирэхдээ 1800 төгрөгөөр ирсэн. Гэтэл хүмүүс биднийг үнээ нэмсэн юм шиг буруутгаж, уурлах юм. Хаягдал их байдаг болохоор ашиг олоход ч хэцүү байдаг” хэмээн учирлалаа. Хүчит шонхор захад хятад хүнсний ногоо зардаг лангуу цөөхөн харагдана. Хятад гэх тодотголтой төмс, лууван, байцаа, сонгино бүгд 1500 төгрөгийн үнэтэй байсан юм. Тус лангууны худалдагч бүсгүй “Хөл хорионоос болоод хятад ногоо орж ирэх нь багассан. Гэтэл монгол ногооны үнэ нэмэгдсээр байна. Наадам өнгөртөл энэ байдал үргэлжилнэ гэсэн. Худалдан авалт үнэхээр муу байна. Гэхдээ өдөр тутмын хэрэглээ болохоор бага ч гэсэн орлого оруулж байгаад талархах нь зүйтэй байх” гэв. 2018 онд 2,888 тонн төмс импортоор оруулж ирж байсан бол өнгөрсөн онд 381 тонн болж, 2020 оны эхний таван сарын байдлаар 4.3 тонныг л оруулж ирснийг Гаалийн ерөнхий газрын мэдээлэлд дурджээ. Үүнтэй холбоотойгоор хүнсний ногооны үнэ нэмэгдэж байгаа гэх хардлага байна. Учир нь манай улс дотоодынхоо хэрэглээний 40 хувийг л хангаж чаддаг. Үлдсэн 60 хувийг импортын хүнсний ногоо орлодог. Гэтэл хөл хорионоос болж импортын хэмжээ буурсан тул дотоодынхоо хэрэглээг хангаж чадахаа больж, үнийн хөөрөгдөл үүсгэж байна. Ногоочдоо дэмжихийн тулд энэ онд хүнсний ногооны гаалийн татварыг 30 хувь болгох тогтоол гарч, ирэх наймдугаар сарын 1-нээс дагаж мөрдөхөөр болсон. Энэ шийдвэр сайшаалтай хэдий ч ийнхүү хориг тавих нь хэр зөв болохыг холбогдох албан тушаалтнууд нь эргэн харах буй за.


Нийтэлсэн огноо2020-07-01