I-VIII сард шинэ автомашины борлуулалт жилийн өмнөхөөс 14.6 хувиар буурчээ www.bloombergtv.mn
Дотоодын автомашины зах зээл дэх дистрибьютер компаниудын борлуулалт оны эхний найман сард 14.6 хувиар буурч, 1912 болсон гэж Монголын автомашины дистрибьютерүүдийн ассоциаци мэдээллээ.
Тухайлбал: седан загварын автомашины борлуулалт 11.2 хувиар буурсан байна. Харин нийт борлуулалтын дийлэнх буюу 83 гаруй хувийг SUV загварын автомашин эзэлж байгаа аж. Хэдий тийм боловч өнгөрсөн оны мөн үетэй харьцуулахад борлуулалт нь 17.3 хувиар буурчээ. Цар тахлын нөлөө дотоодод автомашины борлуулалтад шууд болон шууд бус байдлаар нөлөөлөөд байна.
Тансаг зэрэглэлийн SUV ангиллын автомашины эрэлт нэмэгдсэн ч үйлдвэрлэгч талын гарц саатаж, тээвэрлэлтийн удааширснаар татан авалт буурсан гэж зарим дистрибьютерүүд мэдээлж байсан юм. Мөн Pick-Up, LCV-ийн эрэлт тогтвортой нэмэгдсээр байгааг “МСМ Групп” онцоллоо. Оны эхний найман сард энэ төрлийн автомашины борлуулалт өмнөх оны мөн үеэс 7.6 хувиар өсжээ.
Нийтэлсэн огноо2020-09-17