Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
ГХЯ: X сард хийгдэх 11 удаагийн тусгай үүргийн нислэгээр 2700 иргэнээ татан авна www.bloombergtv.mn
Нэгдүгээр сарын 28-наас есдүгээр сарын 22-ны өдөр хүртэлх хугацаанд гадаадын 81 улсаас 22 мянга 191 иргэнийг агаарын болон автозамаар эх орондоо авчраад байна гэж Гадаад харилцааны яамны Консулын газар мэдээллээ.
Лхагва гарагийн өглөө Улаанбаатар-Будапешт-Франкфурт чиглэлд болон Улаанбаатар-Сидней чиглэлийн тусгай үүргийн нислэг хөөрөөд байна. Ингэхдээ Засгийн газрын тэтгэлгээр Унгар улсад суралцдаг 120 гаруй монгол оюутныг Будапешт хотод хүргэж өгөх асуудлыг шийдвэрлэсэн байна.
Энэ нь Монгол-Унгар улсын хооронд хийгдэх зорчигч тээврийн хамгийн анхны нислэг болж байгааг онцоллоо. Мөн энэ сард тусгай үүргийн нислэгийг нэгээр нэмсэн байна. Тухайлбал: есдүгээр сарын 28-нд Казахстан улсын Алматы хот руу “Hunnu Air” компани тусгай үүргийн нислэг үйлдэхээр болсон байна.
Үүнээс гадна Монгол Улсад байнга оршин суудаг болон ажилладаг гадаадын иргэд буцан ирэх хүсэлт гаргаж байгаа учраас есдүгээр сарын 29-нд байнгын оршин суух зөвшөөрөлтэй гадаадын 200 орчим иргэнийг авчрах нэмэлт нэг нислэг үйлдэхээр төлөвлөжээ. Гадаадын иргэдийг ирсэн даруйд нь “Ramada" болон “Novotel” зочид буудалд тусгай үнээр тусгаарлахаар болсныг Гадаад харилцааны яам тодотголоо.
Үүний зэрэгцээ аравдугаар сарын нислэгийн хуваарийг Шадар сайд, Улсын онцгой комисст танилцуулан батлуулсан байна. Ирэх аравдугаар сард 11 удаагийн тусгай үүргийн нислэгээр 2700 иргэнээ авчрахаар төлөвлөсөн байна. Нутаг буцах хүсэлтээ ирүүлсэн 5700 орчим иргэн БНСУ-д байгаа учраас Сөүл хот руу долоон удаагийн нислэг үйлдэхээр болжээ. Мөн Нурсултан, Токио, Франкфурт, Сиаттл хот руу нислэг үйлдэх юм байна.
Үүнээс гадна нутаг буцах хүсэлтээ ирүүлсэн 10 мянга 600 орчим иргэн байгаа гэсэн үзүүлэлт гарсан нь бодит тоо биш гэж Гадаад харилцааны яамны Консулын газраас дүгнэжээ. Иймд тоон үзүүлэлтийг Элчин сайдын яамд болон Консулын газраар дамжуулан дахин нягталж эхэлсэн байна. Учир нь гадаадад байгаа иргэдийн хувьд товлосон нислэгийн сараа хойшлуулах эсвэл буцах хүсэлтээ цуцлах асуудал гарч байгаа юм байна.
Нийтэлсэн огноо2020-09-23
