Мэдээ мэдээлэл

SXCOAL: БНХАУ-ын коксжих нүүрсний импорт VIII сард өмнөх оны мөн үеэс 34.7 хувиар буурсан www.bloombergtv.mn

БНХАУ-ын коксжих нүүрсний импорт наймдугаар сард өмнөх сараасаа 24.14 хувиар өсөж, 4.68 сая тонн болсон байна.

Хэдий тийм боловч энэ нь өмнөх оны мөн үеэс 34.7 хувиар буурсан үзүүлэлт болсныг тус улсын Гаалийн ерөнхий газар мэдээлэлдээ дурджээ. Нийлүүлэлтийг улсаар нь харвал АНУ ОХУ-ыг давж БНХАУ-ын коксжих нүүрсний гол нийлүүлэгч болсон байна. Наймдугаар сард 1.2 сая тонныг нийлүүлснээр коксжих нүүрсний импортынх нь 25.9 хувийг эзэлжээ. Мөн энэ нь жилийн дүнгээр 16 дахин өссөн үзүүлэлт болсон байна.

Харин Индонез, ОХУ, Монгол Улс, АНУ, Канад зэрэг гол таван нийлүүлэгч улсаас тайлант сард 26.1 сая тонн нүүрс нийлүүлжээ. Энэ нь нийт нүүрсний импортын 93.1 хувьтай тэнцэж байна.

БНХАУ-ын коксжих нүүрсний импорт жилийн дүнгээр буурсан ч олон улсын зах зээлд нүүрсний үнэ өндөр байгаатай холбоотойгоор импортын үнийн дүн өссөн байна. Коксжих нүүрсний импорт наймдугаар сард 947.1 сая ам.доллар болж өмнөх оны мөн үеэс 26.3 хувиар өсжээ. Тухайн үед коксжих нүүрсний импортын дундаж үнэ тонн нь 202.4 ам.доллар байсан байна. Дундаж үнэ өмнөх оны мөн үеэс 97.77 ам.доллароор, өмнөх сараас 25.23 ам.доллароор өсжээ.

Цар тахлын тодорхойгүй нөхцөл байдлын үед Монголоос орж ирж буй нүүрсний үнэ өндөр хэвээр байх төлөвтэй гэж “SXCoal” мэдээлж байна.

Нийтэлсэн огноо2021-09-23

Категори

Үйл явдал

SXCOAL: БНХАУ-ын коксжих нүүрсний импорт VIII сард өмнөх оны мөн үеэс 34.7 хувиар буурсан www.bloombergtv.mn

Үйл Явдал

Мэдээ

Facebook