Мэдээ мэдээлэл

Англи амин дэм Монгол улсад албан ёсоор бүртгэгдлээ.

ГЕГ: V сарын 2 дахь 7 хоногт Замын-Үүд боомтоор $1.12 саяын 1210.6 тонн ачаа нэвтэрсэн www.bloombergtv.mn

Өнөөдрийн байдлаар Замын-Үүд боомтын талбайд 100 чингэлэг нэвтрэхээр хүлээгдэж байгаагаас 40 тонны 52, 20 тонны 48 чингэлэг байгааг Гаалийн ерөнхий газар мэдээллээ. Үдээс өмнө БНХАУ-ын тал чингэлэг болон импортын тээврийн хэрэгслийг “0” цэгт байршуулдаг бол Монголын тал 13.00 цагаас “0” цэгт ажиллаж эхэлдэг байна.

Гаалийн ерөнхий газраас өгсөн мэдээллээр Замын-Үүд боомтын үйл ажиллагаа хэвийн явагдаж байгаа бөгөөд сүүлийн долоо хоногийн хугацаанд өдөрт нэвтрэх автомашины тоо өмнөхтэй ижил буюу 74-82-ийн хооронд хэлбэлзэж байгаа аж.

Тавдугаар сарын эхний долоо хоногт Замын-Үүд боомтоор өдөрт 70-89 автомашин нэвтэрч байсан юм. Тавдугаар сарын хоёр дахь долоо хоногт улсын хилээр нийт 546 чингэлэг тээвэр орж ирснээс 437 нь Замын-Үүд боомтоор нэвтэрсэн байна.

Тайлант хугацааны байдлаар Замын-Үүд боомтоор 1.12 сая ам.долларын үнийн дүн бүхий 1210.6 тонн ачаа нэвтэрчээ. Тоо хэмжээгээр нь аваад үзвэл 54.5 хувийг нь барилгын материал, 28.4 хувийг хүнсний бараа, 4.9 хувийг эм, эмнэлгийн хэрэгсэл бүрдүүлсэн байна. Мөн хугацаанд Замын-Үүд боомтоор 222.9 мянган ам.долларын үнийн дүн бүхий ачааны найман автомашин, 19.3 мянган ам.долларын суудлын нэг автомашин бүрдүүлэлт хийгдэж орж ирсэн гэж Гаалийн ерөнхий газар мэдээллээ.

Статистик мэдээллээр улсын хилээр тавдугаар сарын хоёр дахь долоо хоногт 546 чингэлэг тээврээр 11.3 мянган тонн ачаа бараа орж ирсэн бөгөөд үүний дийлэнхийг 40 футийн том оврын чингэлгээр тээвэрлэсэн байна.

Нийтэлсэн огноо2022-05-18

Категори

Үйл явдал

ГЕГ: V сарын 2 дахь 7 хоногт Замын-Үүд боомтоор $1.12 саяын 1210.6 тонн ачаа нэвтэрсэн www.bloombergtv.mn

Үйл Явдал

Мэдээ

Facebook