Агаарын бохирдол, утааны асуудлаар ерөнхий хяналтын сонсголын бэлтгэлийг хангах, зохион байгуулах үүрэг бүхий ажлын хэсэг хуралдаж, сонсгол явуулах өдрөөс өмнө дэд хэлэлцүүлэг хийх товыг баталсан. Өнгөрсөн долоо хоногт "Утаа ба Эрүүл мэнд" сэдэвт анхны дэд хэлэлцүүлэг болсон. Харин өнөөдөр “Утааны асуудал: Стандарт, хяналт (зуух, түлшний технологи)” хэлэлцүүлэг болж байна.

Мөн үеэр хотын дарга Х.Нямбаатар автомашины нүүрсэн янданг сольсны улмаас утаа нэмэгдэж байгаа талаар мэдээлэл өглөө. Тэрээр "2030 он хүртэл хатуу түлшийг багасгахаар төлөвлөсөн. Засгийн газраас нийслэлд татаас өгөх асуудал яригдаж байна. Сүүлийн жилүүдэд автомашины нүүрсэн янданг хууль бусаар БНХАУ-руу гаргаж байгаа асуудал бий. Тиймээс хилээр нүүрсэн яндан гаргахыг хориглосон. Энэ жилээс үзлэг оношилгоонд орж буй машинуудын нүүрсэн яндан дээр төмөр тэмдэглэгээ тавина. Янданг солихгүй байхаар зохион байгуулж ажиллаж байна" гэв.