Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
ҮСХ: Хаврын тариалалтад бэлэн байгаа буудайн үр өмнөх оны мөн үеэс 24 хувиар өссөн www.bloombergtv.mn
Хаврын тариалалтад 56.4 мянган тонн буудайн үр бэлэн байгаа нь өмнөх оны мөн үеэс 24.7 хувиар өссөнийг Үндэсний статистикийн хороо мэдээллээ.
Энэ онд улсын хэмжээнд нийт 362.7 мянган га-д улаанбуудай тариалахаар ажиллаж байгааг ХХААХҮЯ мэдээлж байв.
Өнгөрсөн сард ОХУ зарим нэр төрлийн хүнсний бараа, бүтээгдэхүүний экспортод түр хугацаагаар хориг тавьсан юм. Тодруулбал: улаанбуудай, меслин, хөх тариа, арвай, эрдэнэ шишийн экспортод зургаадугаар сарын 30-ны өдөр дуустал хориг тавьсан бол элсэн чихэр, чихрийн нишингийн сахрын экспортод наймдугаар сарын 31-ний өдөр дуустал түр хугацаагаар хориг тавиад байна.
Үүний зэрэгцээ БНЭУ, Украин тэргүүтэй улс дотоодын нөөцөө хангах үүднээс зарим нэр төрлийн бараа, бүтээгдэхүүний экспортыг хязгаарлахаар шийдвэр гаргаад байгаа юм.
Монгол Улсын хувьд хүнсний бүтээгдэхүүний 50 орчим хувийг импортоор авдаг. Дэлхий дахинд үүсээд байгаа геополитикийн хурцадмал нөхцөл байдал, цар тахал, тээвэр логистикийн хүндрэлээс шалтгаалсан бараа, бүтээгдэхүүний хомсдол, үнийн өсөлт улс орнуудад сорилт болж байна.
Засгийн газраас “Шинэ сэргэлтийн бодлого”-ын хүрээнд аж ахуйн салбарт бизнес эрхлэгчдэд олгох хөнгөлөлттэй зээлийн төрлийг нэмэгдүүлэх зэрэг арга хэмжээ авч байгаа юм. Мөн хаврын тариалалтад шаардагдах шатахуунаар хангах, эрдэс бордоог ОХУ-аас импортоор авах, цаашлаад санхүүгийн эх үүсвэрийг нэмэгдүүлэх зэргээр дэмжлэг олгож байгааг мэдээллээ.
Монгол Улсын Ерөнхийлөгч ирэх таван жилд гол нэрийн 19 төрлийн хүнсний бүтээгдэхүүнээр дотоодын хэрэгцээгээ бүрэн хангах "Хүнсний хувьсгал" хийхийг уриалаад байгаа юм.
Нийтэлсэн огноо2022-05-19
