Мэдээ мэдээлэл

Англи амин дэм Монгол улсад албан ёсоор бүртгэгдлээ.

Ипотекийн зээлийн үлдэгдэл 2024 онд ₮1.6 их наядаар нэмэгджээ www.bloombergtv.mn

2025 онд ипотекийн зээлийн нийт эх үүсвэр 1.2 их наяд төгрөг байх тооцоотой байгааг Монголбанк мэдээлэв

2024 онд ипотекийн зээлийн үлдэгдэл өмнөх оноос 1.6 их наяд төгрөгөөр нэмэгдсэнийг Монголбанк мэдээллээ. Өнгөрсөн оны 12 дугаар сарын байдлаар ипотекийн зээлийн нийт үлдэгдэл 9.4 их наяд төгрөг болсон нь өмнөх оны мөн үетэй харьцуулахад 23.4 хувиар нэмэгдсэн дүн болж байна.

Нийт зээлийн 64.6 хувь буюу 6.4 их наяд төгрөг нь ипотекийн хөтөлбөрийн хүрээнд олгогджээ. Үлдсэн 34.6 хувь нь арилжааны банкнуудын, 0.8 хувь нь бусад эх үүсвэрээр олгосон зээл байна. Харин нийт зээлийн 18.8 хувь нь орон нутагт олгогдсон аж.

Энэ онд олгох нийт зээлийн 44 хувийг орон нутагт, үлдсэн 56 хувийг нийслэлд олгохоор төлөвлөснийг Монголбанк мэдээлж байсан юм. Мөн 2025 онд ипотекийн зээлийн нийт эх үүсвэр 1.2 их наяд төгрөг байх тооцоотой байна.

Сүүлийн байдлаар шинэ орон сууцны нэг м.кв талбайн дундаж үнэ 4.6 сая төгрөг байгаа бол хуучин орон сууцных 4.2 сая төгрөг байгааг Үндэсний Статистикийн газрын тайлангаас харж болохоор байна. Шинэ орон сууцны үнэ өмнөх оны мөн үеэс 12.6 хувиар, хуучин орон сууцны үнэ өмнөх оны мөн үеэс 16 хувиар өсөөд байгаа ажээ.

Нийтэлсэн огноо2025-02-06

Категори

Үйл явдал

Ипотекийн зээлийн үлдэгдэл 2024 онд ₮1.6 их наядаар нэмэгджээ www.bloombergtv.mn

Үйл Явдал

Мэдээ

Facebook