Төрийн худалдан авах ажиллагааны газраас 849 саяар Гашуунсухайт-Ганцмод боомтын хил дамнасан төмөр замын төсөл хийлгэх тендерийг өнгөрсөн сарын 01-ний өдөр зарласан байдаг.
Тодруулбал, Уг тендерийн техникийн тодорхойлолт, тавигдах шаардлагатаа
Дээд, доод бүтцийн нарийвчилсан зураг төсөл, тайлан, техникийн шаардлага
Урт гүүрийн нарийвчилсан зураг төсөл, тайлан, техникийн шаардлага
Эрчим хүчний нарийвчилсан зураг төсөл
Барилга байгууламжын нарийвчилсан зураг төсөл
Дохиолол холбооны нарийвчилсан зураг төсөл, тайлан, техникийн шаардлага
Авто замын нарийвчилсан зураг төсөл, тайлан, техникийн шаардлага
Тоног төхөөрөмжийн нарийвчилсан зураг төсөл, тайлан, техникийн шаардлага
Судалгаа
Тоо хэмжээг нарийвчлан тусгах шаардлагатай хэмээн заасан байна.
Тендерт тусгагдсан өртгийг Төрийн худалдан авах ажиллагааны газар өөрийн хөрөнгөөсөө бүрдүүлнэ гэж тусгажээ. Харин энэ онд санхүүжүүлэх дүн нь 198 тэрбум төгрөг байх аж.
Уг тендерт холбогдох материал хүлээн авах хугацаа өнөөдөр дууссан бөгөөд хоёр компани үнийн санал ирүүлсэн тухай бид өмнө нь мэдээлж байсан.
Улмаар China Railway Construction Bridge Engineering Bureau Group Co., Ltd. тус тендерт 848.8 тэрбум төгрөгийн үнийн саналтайгаар шалгарч, гэрээ байгуулах эрх олгосон байна. Тухайн компанийг судлан үзэхэд Монголд ажил гүйцэтгэж байсан туршлагагүй, өөр тендерт үнийн санал явуулж байсан удаагүй аж.
Төрийн худалдан авах ажиллагааны цахим системд /2025-04-02/-нд бүртгүүлсэн Монгол хөрөнгө оруулалттай, төмөр зам болон авто замын байгууламж барих үйл ажиллагааны чиглэлтэй юм байна.

Нийтэлсэн огноо2025-05-05