Алтанбулагийн боомтоор орж ирсэн таван хүнээс коронавирус илэрлээ www.eagle.mn
ЭМЯ-ны ээлжит мэдээллийн үеэр ХӨСҮТ-ийн захирал Д.Нямхүү мэдээлэл өглөө. Тэрээр “Долоодугаар сарынн 5-нд нийт 757 хүнд шинжилгээ хийхэд 752 хүнээс нь коронавирус илрээгүй. Харин Алтанбулагийн боомтоор орж ирсэн 20, 22, 24 настай эрэгтэй, 20, 34 настай эмэгтэй нийт таван хүнээс коронавирус илэрчээ.
Шинжилгээг задалж хэлбэл, ажиглах байранд тусгаарлагдсан 533 хүнд давтан шинжилгээ, тандалтын зорилгоор цуглуулсан долоон хүний шинжилгээ, ХӨСҮТ-д ажилласан найман ажилтанд хяналтын шинжилгээ, Алтанбулагийн боомтоор орж ирсэн 15 жолооч, Дархан-Уул аймагт тусгаарлагдсан 148 хүний шинжилгээ, Сэлэнгэ аймагт тусгаарлагдсан хоёр хүнд шинжилгээ хийхэд коронавирус илрээгүй.
Өнөөдөр сайн мэдээтэй, зургаан хүн эдгэрч ХӨСҮТ-өөс дараагийн шатлалын сувилал руу шилжлээ. Зургаадугаар сарын 18-нд Сөүлээс ирсэн хоёр хүн, зургаадугаар сарын 11-нд Нур Султан Улаанбаатарын онгоцоор ирсэн дөрвөн хүн эдгэрсэн.
38, 29, 6, 39, 12 настай эрэгтэй, 11 настай эмэгтэй нийтдээ 15 хоног эмчлэгдэн дараагийн шатлал руу шилжлээ.
Алтанбулагийн боомтоор өчигдөр 85 хүн орж ирсэн. Тэднийг Орхон аймаг тусгаарласан. Өнөөдөр сорьц цуглуулах ажил эхэллээ” гэв.
Нийтэлсэн огноо2020-07-07
