1 MONGOLIA TO EXEMPT IMPORT TARIFFS FOR CERTAIN FOOD PRODUCTS TO ENSURE PRICE STABILITY WWW.XINHUANET.COM PUBLISHED:2022/05/19      2 MONGOLIA SEEKS EARLY BUYBACK OF SAMURAI DEBT WWW.REUTERS.COM PUBLISHED:2022/05/19      3 HOW ‘WEAK SUSTAINABILITY’ HELPS MINERS CONTRIBUTE TO THE UN DEVELOPMENT GOALS WWW.MINING.COM PUBLISHED:2022/05/19      4 TURQUOISE HILL TO RECEIVE DEBT FUNDING FROM RIO TINTO AS IT EVALUATES $2.7BN OFFER WWW.REUTERS.COM PUBLISHED:2022/05/19      5 A NEW MUSEUM OPENS IN THE GOBI DESERT IN MONGOLIA WWW.NEWS.MN PUBLISHED:2022/05/19      6 FITCH AFFIRMS MONGOLIA AT 'B'; OUTLOOK STABLE WWW.FITCHRATINGS.COM  PUBLISHED:2022/05/19      7 ABT TO HELP MODERNIZE MONGOLIA’S ELECTRICITY SECTOR THROUGH $11.9M, 5-YEAR CONTRACT WITH USAID WWW.ABTASSOCIATES.COM PUBLISHED:2022/05/19      8 MONGOLIA HAS FULL POTENTIAL TO MEET DOMESTIC DEMAND FOR MILK WWW.MONTSAME.MN PUBLISHED:2022/05/19      9 CABINET APPROVES LIST OF IMPORTED FOOD PRODUCTS TO BE EXEMPT FROM CUSTOMS DUTY WWW.MONTSAME.MN PUBLISHED:2022/05/18      10 RUSSIA MOVES TO WITHDRAW FROM WTO, WHO WWW.RT.COM PUBLISHED:2022/05/18      ӨНГӨРСӨН САРД ГҮЙЛГЭЭНД ГАРГАСАН БЭЛЭН МӨНГӨ ₮1 ИХ НАЯД БОЛЖ, ӨМНӨХ САРААС ₮38 ТЭРБУМААР ӨСӨВ WWW.IKON.MN НИЙТЭЛСЭН:2022/05/19     ТӨГРӨГИЙН ДОЛЛАРТАЙ ХАРЬЦАХ САРЫН ДУНДАЖ ХАНШ СУЛАРЧЭЭ WWW.NEWS.MN НИЙТЭЛСЭН:2022/05/19     ҮСГ: ИНФЛЯЦИ 14.4 ХУВИАР ӨСӨХӨД ХҮНСНИЙ БАРАА НӨЛӨӨЛЖЭЭ WWW.NEWS.MN НИЙТЭЛСЭН:2022/05/19     НЭГ АЖИЛЧИНД НОГДОХ ДНБ ОНЫ ЭХНИЙ УЛИРАЛД 10.2 ХУВИАР БАГАСАВ WWW.MONTSAME.MN НИЙТЭЛСЭН:2022/05/19     ДААТГАЛЫН НӨХӨН ТӨЛБӨРТ 26.4 ТЭРБУМ ТӨГРӨГ ОЛГОЖЭЭ WWW.EAGLE.MN НИЙТЭЛСЭН:2022/05/19     ГВАН 4 САР ДАРААЛАН БУУРАВ WWW.BLOOMBERGTV.MN НИЙТЭЛСЭН:2022/05/19     ҮСХ: ХАВРЫН ТАРИАЛАЛТАД БЭЛЭН БАЙГАА БУУДАЙН ҮР ӨМНӨХ ОНЫ МӨН ҮЕЭС 24 ХУВИАР ӨССӨН WWW.BLOOMBERGTV.MN НИЙТЭЛСЭН:2022/05/19     ХХААХҮЯ: НИЙТ ЭКСПОРТЫН 5 ХУВЬ НЬ УУЛ УУРХАЙН БУС САЛБАРЫНХ БАЙНА WWW.BLOOMBERGTV.MN НИЙТЭЛСЭН:2022/05/19     ЭКСПОРТ ӨМНӨХ САРЫНХААС 18.7 ХУВИАР НЭМЭГДЭВ WWW.MONTSAME.MN НИЙТЭЛСЭН:2022/05/18     ГЕГ: V САРЫН 2 ДАХЬ 7 ХОНОГТ ЗАМЫН-ҮҮД БООМТООР $1.12 САЯЫН 1210.6 ТОНН АЧАА НЭВТЭРСЭН WWW.BLOOMBERGTV.MN НИЙТЭЛСЭН:2022/05/18    

Хий дамжуулах хоолойн ажилчдын 50 хувийг Монголоос бүрдүүлнэ www.montsame.mn

Улаанбаатар /МОНЦАМЭ/. ОХУ-аас Монгол Улсын нутаг дэвсгэрээр дамжуулан БНХАУ руу тавих байгалийн хийн хоолойн төслийн ТЭЗҮ-ийг эцэслэн батлаад байна. Энэ талаар төсөлд оролцогч талын нэг “Газпровод Союз Восток” компанийн гүйцэтгэх захирал Е.Асееваас тодруулав. Тэрээр, Монгол Улс, ОХУ-ын хооронд уг ТЭЗҮ-ийг эцэслэн батлах гарын үсэг зураг ёслолд оролцсон юм.
“Энэхүү төсөл нь манай хоёр орны хувьд их чухал ач холбогдолтой. Хоёр тал өнөөдөр төслийн протоколд гарын үсэг зурснаар ТЭЗҮ-ийг албан ёсоор баталгаажуулан эцэслэн баталж, төслийн эхний шатны ажлаа дуусгалаа. Ингэснээр ТЭЗҮ-ээ хэрэгжүүлэх дараагийн шатны бодит ажилдаа шилжиж байна. Тодруулбал, энэ жил эхлүүлэхээр төлөвлөөд буй инженер-техникийн судалгаа шинжилгээний ажилдаа орох боломжтой боллоо” гэдгийг онцоллоо.
Төслийн барилга угсралт, материал нийлүүлэхэд Монголын компаниуд оролцох боломжтойг мөн тодотгов. Ингэхдээ төслийн нийт ажиллах хүчний 50 хувийг Монгол Улсаас буюу дотоодоос хангана гэдгийг мэдэгдлээ. Эхний ээлжинд нарийн технологи бүхий хийн хоолойн угсралт барилгын ажилд 12 мянган хүн оролцохоор төлөвлөснөөс 20 хувийг монголчуудаас буюу Монголын компаниудаас бүрдүүлнэ. Цаашдаа бүтээн байгуулалтын үйл ажиллагаа өргөжөөд бүрэн хүчин чадлаар ажиллаж эхлэхээр дээр дурдсанаар нийт ажиллах хүчний 50 хувийг Монголоос оролцуулна. Үүнтэй холбоотойгоор Монголын ажиллах хүчийг бэлтгэх хөтөлбөрийг хэрэгжүүлэхээр төлөвлөж буйг тодотгож байв.
Тэрээр хий дамжуулах хоолойн төслийн талаар гуравдагч оролцогч БНХАУ-ын талтай хуваарийн дагуу уулзаж ярилцан хэлэлцээр хийж буйг мэдээлэв. ОХУ-ын “Газпром” НХН (Нээлттэй хувьцаат нийгэмлэг) БНХАУ-ын үндэсний нефть, газрын тос, хийн компанитай хамтран ажиллаж буйг хэллээ.
Хийн хоолойн барилга угсралтад Монголын компаниуд барилгын материал нийлүүлнэ. Мөн угсралтын ажилд оролцох бүрэн боломжтой.
Димитрий Горн: Бид Монгол Улсын Ерөнхийлөгчөөс зөвхөн хийн хоолой төдийгүй
өргөн хүрээнд ярилцлага авна
Монгол Улсын нутаг дэвсгэрээр дамжуулан БНХАУ руу тавьж буй байгалийн хийн хоолой нь ОХУ-ын хувьд хоёр дахь том төсөл аж. Тиймээс Оросын тал энэхүү төсөлд ихээхэн ач холбогдол өгөн ТЭЗҮ-ийг баталсан үйл ажиллагааг сурвалжилахаар Монголд ОХУ-ын хэвлэл мэдээллийн олон төлөөлөл хүрэлцэн ирээд байна.
Тодруулбал, ОХУ-ын телевизийн “Россия 24 суваг” дээрх үйл ажиллагааг шууд дамжуулахаас гадна хийн хоолой дамжуулах төсөлд ихээхэн ач холбогдол өгөн санаачилж ирсэн Монгол Улсын Ерөнхийлөгч У.Хүрэлсүхтэй энэ талаар ярилцлага хийж, хийн хоолой дайран өнгөрөх манай улсын аймаг, орон нутагт сурвалжилга бэлтгэхээр төлөвлөснөө тус телевизийн сэтгүүлч Димитрий Горн тодотгож байв. Энэ талаар түүнээс тодруулбал, “Бид Монголд өчигдөр өглөө ирсэн. Ажил их болохоор шууд ажилдаа орсон. Энэ бол манай улсын хувьд их том төсөл. Ялгаагүй Монгол, Хятад улсын хувьд ч тэр их ач холбогдол өгч буйг харж байна. Энэ төсөл хэрэгжсэнээр манай хоёр орны хамтын ажиллагаа улам өргөжинө гэдэгт итгэж байна.
Бид танай улсын Ерөнхийлөгчтэй уулзаж яриа авна. Энд зөвхөн хийн хоолойноос гадна хоёр орны хамтын ажиллагаа, Эдийн засгийн коридорын гээд өргөн хүрээнд ярилцаж, олон асуудлыг хөндөхийг бодож байна. Хийн хоолойн төсөл маш том бүтээн байгуулалт болохоор танай улсад хийх сурвалжилгадаа тэр хэмжээгээр олон зүйлийг тусгах шаардлага аяндаа үүсэж байна” гэв.


Нийтэлсэн огноо2022-01-26