Хүүхдийн эрүүл аюулгүй орчинд амьдрах эрх хангагдсан орчин бүрдүүлж, сурч хөгжих боломжоор хангах, хүүхдийн байгаль экологийн мэдлэг боловсролыг нэмэгдүүлэх, түүнтэй холбоотой арга хэмжээнд оролцох боломжийг бий болгох зорилгоор 2025 оны 6-р сарын 9-ний өдөр  Монгол дахь НҮБ-ын Хүүхдийн Сан, Тэрбум мод үндэсний хөдөлгөөнийг дэмжих сан, Кредитех СТМ ББСБ" ХХК  “Хүүхэд бүрд – Нэг Мод” санаачилгыг хамтран хэрэгжүүлэх харилцан ойлголцол, хамтын ажиллагааны санамж бичигт гарын үсэг зурлаа. 
Энэхүү санаачилга нь Монголын хүүхдүүдийн чанартай боловсрол эзэмших эрхийг хангах болон эрүүл аюулгүй орчин сурч хөгжих боломжийг бий болгох зорилгоор сургууль, цэцэрлэгийн орчинд ойжуулалт, цэцэрлэгжүүлэлтийн хөтөлбөр хэрэгжүүлэхээр төлөвлөж байна. 
Үүнд дараах ажлуудыг хэрэгжүүлнэ: 
- Сургуулийн орчинд 500 хүртэл мод үржүүлэг болон хүнсний ногооны талбай байгуулна.
- 280,000 сурагчдыг ой, цэцэрлэгжүүлэлт, экологийн боловсрол олгох  сургалтанд хамруулна.  
- 15,000 багш, сурагчдыг мод тарих болон ой хамгаалах үйл ажиллагаанд оролцуулна.
- Oйжуулалтыг тогтвортой хадгалах, байгаль орчны эерэг хандлагыг төлөвшүүлэх чиглэлээр тав ба түүнээс дээш  шинэлэг арга аргачлал боловсруулж хэрэгжүүлнэ.

Нийтэлсэн огноо2025-06-13