Цагдаагийн ерөнхий газраас гадаад иргэд шонхор барьсан хэрэг болон тэмцэгч Г.Солонго Г.Адилбиш нарыг 30 хоног цагдан хорих болсон асуудлын талаар мэдээлэл өглөө.
Засгийн газрын 263 дугаар тогтоолоор энэ жил 350 шонхор шувуу барих зөвшөөрлийг дөрвөн улсын 24 иргэнд олгожээ. Зөвшөөрлийн дагуу 11 аймагт отог байгуулсан байна. Тухайн отгуудад аймаг орон нутгаас хяналт шалгалт тавих үүрэгтэй бөгөөд гурав хоног тутамд хяналт шалгалт хийж байгааг ЦЕГ-аас мэдээллээ. Төв аймагт шонхор агнаж байсан отог зөвшөөрөлтэй аж.
Мөн Сэлэнгэ Дорнод аймагт газрын тосны үйл ажиллагааг эсэргүүцсэн иргэн Г.Солонго Г.Адилбиш нарыг мөрдөн шалгах ажиллагааг эхлүүлжээ. Энэ хоёр иргэнд эрүүгийн хэрэг үүсгэн шалгаж байгаа бөгөөд дөрвөн иргэнийг саатуулж, нэгийг нь 30 хоногоор цагдан хорьжээ.
Түүнчлэн Баянхонгор аймгийн Баацагаан суманд шонхор шувуу агнаж байсан Араб улсын иргэн Монгол Улсын иргэнийг хүүхдийнх нь нүдэн дээр автомашинаар дайрч амь насыг нь хөнөөсөн гэсэн мэдээлэл цахим орчин гарсан. Тэгвэл Цагдаагийн байгууллагад хүн амь хохирсон гэсэн мэдээлэл бүртгэгдсэн ч тухайн үйл явдалд дурдагдсан байдлаар хэрэг гарсан нь тогтоогдоогүй гэдгийг мэдээллээ.

Пүрэвдагва БУЛГАН

Сэтгүүлч М.Булган нь iToim.mn сайтад 2015 оноос ажиллаж байна. Улс төр, нийгмийн чиглэлээр мэдээ, мэдээлэл бэлтгэдэг.

Нийтэлсэн огноо2026-08-19