Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
Бэлгийн морины шүдийг татаж үзэх шаардлага буюу ОУВС-гийн сануулга www.eagle.mn
Бэлгийн морины шүдийг татаж үздэггүй хэмээн монголчууд ярьдаг. Тэгвэл бэлгийн морины шүдийг татаж чангааж үзэх шаардлага бидэнд тулгарч байгаа бололтой.
БНХАУ-ын Гадаад хэргийн сайд Ван И манай улсад айлчилсантай зэрэгцэн ОУВС-гийн зүгээс БНХАУ-ын баримталж буй бодлогыг Өрийн хавхны бодлого хэмээн тодорхойлж олон улсын судалгааны байгууллагын зүгээс Африк , Номхон далайн болон Зүүн Азийн бага орлоготой орнуудад дээрх бодлого хэрэгжиж байгаа тухай өгүүлэл нийтлэлийг гаргажээ.
Уг судалгаанаас харвал , Хятадын Засгийн газраас бусад хөгжиж буй улс орнуудад олгож буй зээлийн хүү 2008 оны үед 7.5% байсан бол 2019 оны байдлаар 4.35% болж буурчээ. Харин зээлдэгч улсын төсөлд тавигдах шаардлага сул хэвээр, хөгжиж буй орнуудын зээл авах сонирхлыг урамшуулсан хэвээр байна гэжээ.
БНХАУ-ын "Бүс ба зам" санаачилгын хүрээнд улс орнууд өрийн эрсдэлд орж болзошгүйг олон улсын байгууллагууд анхааруулж байна хэмээн Удирдлагын академийн багш, эдийн засагч Н.Энхбаяр ярилцлага өгөхдөө дурьдсан байна. Хөгжлийн аливаа нэг санхүүжилтийн эх үүсвэрийг аль болох төрөлжүүлж нэг улсын Засгийн газрын хамаарал өр зээлээс хамаарах байдлыг тууштай бууруулах шаардлагатай хэмээн олон улсын хөрөнгө оруулагчид зөвлөмж болгосон байна.
Бид ийнхүү бэлгийн морины шүдийг татаж үзэж гадаад бодлого дахь өрийн эрсдэлээ тооцож байхгүй бол ОУВС, Дэлхийн банкнаас “анхааруулга” өгсөөр байх нь.Бэлгийн морины шүдийг татаж үзэх шаардлага буюу ОУВС-гийн сануулга
Түүнчлэн, Их Британийн “Chatham house” байгууллагаас гаргасан “Debt trap- Diplomacy” гэсэн судалгааны материалд тулгуурлан хөгжиж байгаа улс орнууд “Өрийн хавхны дипломат бодлого”-оос хэрхэн сэргийлэх ёстой талаар өгүүлсэн нийтлэл гарсныг манай эдийн засагчид онцолжээ. Тэгвэл, эдийн засагчдын хэлж байгаагаар гадаад өрийн дарамт, эрсдэлээс зайлсхийхийн тулд юу хийх ёстой вэ.
- Зээл тусламжийн талаарх хуульд нэмэлт өөрчлөлт оруулж гадаад орны Засгийн газраас авах зээлд эдийн засгийн үр өгөөж болон байгаль орчны талаар тавих шаардлагыг өндөрсгөх;
- Зээл тусламжийг авч ашиглах талаар засаглалыг сайжруулах, мөн холбогдох төрийн захиргааны төв байгууллагуудын боловсон хүчний мэдлэг, ур чадварыг сайжруулах;
- Хөгжлийн санхүүжилтийн эх сурвалжийг аль болох төрөлжүүлж, нэг улсын Засгийн газрын өр зээлээс хамааралт байдлыг тууштай бууруулах;
- Улсын төсвийн хөрөнгө оруулалтын төлөвлөлт, хуваарилалт, хэрэгжүүлэлтийн талаарх бодлогод зарчмын томоохон өөрчлөлт оруулах ёстой гэж үзэж байна.
Монгол Улсын нийт гадаад өр 2020 оны эхний хагас жилд 30.8 тэрбум ам.доллар байна. Энэ нь өмнөх оны мөн үеэс 1.1 тэрбум ам.доллар, өмнөх улирлаас 352.9 сая ам.доллараар өссөн үзүүлэлт юм.
Нийт гадаад өрийг салбараар авч үзэхэд, нийт өрийн 35.8 хувь буюу 11.0 тэрбум ам.доллар нь шууд хөрөнгө оруулалт, компани хоорондын зээллэг, 26.3 хувь буюу 8.1 тэрбум ам.доллар нь бусад салбарынх, 25.6 хувь буюу 7.9 тэрбум ам.доллар нь Засгийн газрынх, 5.5 хувь буюу 1.7 тэрбум ам.доллар нь Төв банкнаас бусад хадгаламжийн байгууллагынх, 6.8 хувь буюу 2.1 тэрбум ам.доллар нь Төв банкных байна.
Засгийн газрын нийт өр 2020 оны эхний хагас жилд 25.9 их наяд төгрөг болж, өмнөх оны мөн үеэс 3.3 их наяд төгрөг, өмнөх улирлаас 1.4 их наяд төгрөгөөр нэмэгдсэн байна.
Нийтэлсэн огноо2020-09-22
