Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
Төсвийг тодотгох уу? www.eagle.mn
"Төсөвт тодотголоос илүү ААН-үүдийн ажлыг эхлүүлэх зөв"
Бэлэн байдлын улмаас ААН-үүдийн үйл ажиллагаа зогсож, татварын бүрдүүлэлт доголдоход хүрч буй энэ үед төсөвт тодотгол хийх шаардлагатай гэж үзэх УИХ-ын гишүүд цөөнгүй байна. Харин Сангийн сайд Ч.Хүрэлбаатар төсвийн тодотголоос илүүтэй ААН-ийн үйл ажиллагааг нь эхлүүлэх чиглэлд орох нь зөв гэсэн байр суурьтай байна. Тэрээр энэ талаар “Өнөөдрөөр дүр зураг тодорхой болоогүй байна. Вакцин ч гарч байна. Энэ оны төгсгөлд гэхэд вакцин хэрэглэгдээд эхлэх магадлал нь өндөр байгаа учраас дэлхийн эдийн засаг түүний дотор үйлчилгээ зэрэгт эерэг нөлөө үзүүлнэ. Юуны өмнө төсөв тодотгоно гэж ярихаасаа илүүтэй өнөөгийн нөхцөл байдал эдийн засаг, нийгмийн ямар салбаруудад илүүтэй нөлөө үзүүлэх үү гэдгээ тодорхойлж байж төсвийн тодотголыг ярих хэрэгтэй. Түүнээс биш наана нь төсвийг тодотголыг яриад дараа нь бусад асуудлыг ярих нь учир дутагдалтай. Эхлээд нөлөөллийг нь сайтар ярьж байж төсвийн тодотгол хийх эсэхийг ярина. Үйлчилгээний байгууллага, ААН байгууллагын үйл ажиллагааг эхлүүлэх чиглэлд орох нь зөв болов уу” гэж хэллээ.
Шадар сайд ч хайчин дунд байгаагаа учирлаж “Бид нэг талаасаа иргэдийн амь насыг хамгаалах, нөгөө талдаа эдийн засгаа унагахгүй байх гэсэн ийм хоёр хайчин дунд л шийдвэр гаргаж байна. Эдийн засгаа дэмжихээр халдвар нэмэгдчих гээд байдаг” гэсэн юм. Ямартай ч аж ахуйн нэгжийн үйл ажиллагааг хэрхэх вэ гэдгийг Засгийн газрын төвшинд ярилцаж бодлого боловсруулж буй аж.
Төсөв 3.2 тэрбум төгрөгийн алдагдалтай байна
Монгол Улсын нэгдсэн төсвийн тэнцвэржүүлсэн орлого ба тусламжийн дүн 2020 оны эхний 10 сарын гүйцэтгэлээр 7,556.3 тэрбум төгрөг, нийт зарлага ба эргэж төлөгдөх цэвэр зээлийн хэмжээ 10,815.3 тэрбум төгрөг болж, нэгдсэн төсвийн тэнцвэржүүлсэн нийт тэнцэл 3,259 тэрбум төгрөгийн алдагдалтай гарсан байна.
Жилийн эхний 10 сард нэгдсэн төсвийн тэнцвэржүүлсэн тэнцлийн алдагдал өмнөх оны мөн үеэс 3,804.4 тэрбум төгрөгөөр нэмэгдсэн бол төлөвлөсөн дүнгээс 1,749.3 тэрбум төгрөгөөр буурсан байна.
Улсын төсвийн хөрөнгө оруулалтын тухайд энэ онд нийт 1,330.9 тэрбум төгрөгийг санхүүжүүлэхээр төлөвлөсөн. Тэгвэл 10 сарын гүйцэтгэлээр 709.9 тэрбум төгрөгийг зарцуулж, 53.3 хувийн гүйцэтгэлтэй гарчээ.
Нийтэлсэн огноо2020-11-24
