Мэдээ мэдээлэл

Төмөр замаар тээвэрлэж буй эрдэс бүтээгдэхүүний экспорт хэвийн үргэлжилж байна www.bloombergtv.mn

Дотоодод халдваргүйжүүлэлт, хамгаалалтын арга хэмжээг чангатгаж эхэлснээс хойш буюу 11 дүгээр сарын 10-наас 23-ны өдөр хүртэлх хугацаанд төмөр замаар экспортолсон эрдэс бүтээгдэхүүний хэмжээ жилийн өмнөхтэй харьцуулахад дийлэнх нь буурчээ. Харин нефтийн бүтээгдэхүүний импорт огцом өссөн байна.

Мөн хугацаанд төмөр замаар гаргасан зэсийн баяжмалын экспорт 2019 оны мөн үетэй харьцуулахад 4.3 хувиар буурчээ. Цайрын баяжмалын экспорт 2.5 дахин багассан бол нүүрснийх 9.3 хувиар буурсан дүнтэй байгааг Гаалийн ерөнхий газрын мэдээлэлд дурдсан байна. Түүнчлэн газрын тосны экспорт 33 хувиар буурч, 16.7 мянган баррель болжээ.

Харин төмрийн хүдэр, баяжмалын экспорт 19 хувиар өсөж, 324.8 мянган тонн болсон байна. ОХУ, БНХАУ-ын зах зээлд гаргадаг жоншны экспорт мөн хугацаанд жилийн өмнөхтэй харьцуулахад 13 хувиар буурч, 28.8 мянган тонн болсон байна.

11 дүгээр сарын 10-наас 23-ны өдөр хүртэлх хугацаанд төмөр замаар оруулж ирсэн нефтийн бүтээгдэхүүний импорт өнгөрсөн оны мөн үетэй харьцуулахад хоёр дахин нэмэгдэж, 106 мянган тонн болжээ.

Төмөр замын ажилчдаас “COVID-19”-ийн халдвар илэрч, 400 гаруй хүнийг тусгаарлаад байгаа энэ үед төмөр замын ачаа тээвэр хэвийн үргэлжилж байна. Төмөр замаар экспортод гаргаж байгаа эрдэс бүтээгдэхүүний хэмжээг харвал өнгөрсөн оны мөн үеэс үл ялиг буурсан боловч тогтвортой үргэлжилсээр байгааг Гаалийн ерөнхий газрын мэдээлэл харуулж байна.

Нийтэлсэн огноо2020-11-24

Категори

Үйл явдал

Төмөр замаар тээвэрлэж буй эрдэс бүтээгдэхүүний экспорт хэвийн үргэлжилж байна www.bloombergtv.mn

Үйл Явдал

Мэдээ

Facebook