Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
Оюутолгойн гүний уурхайн ажиллагааг эхлүүлсний дараа "Туркойз Хилл Ресурс"-ийн хувьцааны ханш 16.5% өсөв www.ikon.mn
"Оюу толгой" төслийн хөрөнгө оруулагч "Рио Тинто" компанийн гол хувьцаа эзэмшигч "Туркойз Хилл Ресурс" компанийн хувьцаа өчигдөр 16.5 хувиар өсжээ. Уг төслийн хөрөнгө оруулагч талуудын хэлэлцээрийн үр дүнд удаан хугацаанд хүлээгдсэн гүний уурхайн үйл ажиллагааг Мягмар гарагт албан ёсоор эхэлсэн. Энэхүү таатай мэдээлэл тус компанийн хувьцаа ийнхүү өсөж, сүүлийн зургаан сарын дээд түвшинд хүрэхэд нөлөөлжээ.
Украинд үүсээд буй нөхцөл байдалтай холбоотойгоор АНУ-ын зэвсэгт хүчин Европ тивд үүрэг гүйцэтгэхэд бэлэн болсон талаарх мэдээлэлтэй холбоотойгоор нэгдүгээр сарын 26-нд АНУ-ын хөрөнгийн зах зээл улаанаар эргэж, Нью-Йоркийн Nasdaq хөрөнгийн биржийн үнэлгээ л гэхэд нэг өдрийн дотор 2.8 хувиар буураад байлаа. Үүнээс гадна Dow Jones, S&P 500 индекс мөн унасан үзүүлэлттэй байв.
Харин энэ дунд Нью-Йоркийн хөрөнгийн бирж дээрх "Туркойз Хилл Ресурс" компанийн хувьцааны ханш 16.5 хувийн өсөлттэйгөөр арилжааг хаасан байна.
Гүний уурхайн олборлолт албан ёсоор эхэлж байгаа нь Монгол Улсын Засгийн газарт ч, хөрөнгө оруулагч талуудад ч ашигтай гэдгийг "Рио Тинто" компанийн Зэсийн группийн захирал Б.Болд онцолсон.
Монгол Улсад бий болох өгөөжийн тухайд дараах нөхцөлүүд үүсэх юм. Үүнд:
Гүний уурхай бүрэн ашиглалтад орсноор Монгол Улс дэлхийд тавд эрэмбэлэгдэх өндөр технологийн гүний уурхайтай болж, олон улсын зах зээлд зэсийн томоохон тоглогчдын нэгд тооцогдож, Монгол Улсын эдийн засаг болон төсөвт оруулах үр өгөөж багадаа гурав дахин нэмэгдэх боломжтой.
Оюу толгойн бүтээгдэхүүн гурав дахин нэмэгдсэнээр жилд тав орчим тэрбум ам.долларын борлуулалт хийж, Монгол Улсын нэг жилийн эдийн засгийн тэн хагасыг Оюу Толгой компани дангаар үйлдвэрлэх боломж бүрдэх юм. Энэ хэмжээгээр Монгол Улсад төлдөг татвар, ашигт малтмалын нөөц ашиглалтын төлбөр гурав дахин өсөх урьдчилсан тооцоолол гарч байна.
Хэлэлцээрийн хүрээнд Оюу толгой төслийн бүтээн байгуулалтыг Монгол Улсын нэгдсэн сүлжээнээс эрчим хүчээр хангах шийдвэр гарснаар Тавантолгой Дулааны цахилгаан станц баригдах боломж бүрдэж, өнөөдөр жил бүр гадаадаас худалдан авч буй 120 гаруй сая ам.доллар Монгол Улсад үлдэх болно.
Цаашид хөрөнгө оруулагчид, аж ахуйн нэгжүүдтэй харилцан ашигтай түншлэн ажиллахад монголчууд бид бэлэн байгаа гэдгийг гүний уурхайн нээлтийн үйл ажиллагаанд оролцсон Ерөнхий сайд Л.Оюун-Эрдэнэ хөрөнгө оруулагчдад хандан хэлсэн.
"Рио тинто" группийн гүйцэтгэх захирал Якоб Стаусхолм мөн "Өнөөдрийн арга хэмжээ нь Монгол Улс олон улсын хөрөнгө оруулагчдыг өөртөө татаж, тэдэнтэй мөр зэрэгцэн ажиллаж, хамтын үнэ цэн бий болгон, амжилттай ажиллаж чаддаг орон гэдгийг дэлхий дахинд харуулсан үйл явдал боллоо" гэдгийг онцолсон юм.
Нийтэлсэн огноо2022-01-27
