Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
ХХААХҮЯ: Нийт экспортын 5 хувь нь уул уурхайн бус салбарынх байна www.bloombergtv.mn
Монгол Улс жилд 7.6 тэрбум ам.долларын экспорт хийдгээс дунджаар таван хувь нь л уул уурхайн бус салбарт ногддогийг ХХААХҮЯ мэдээллээ.
Энэхүү таван хувийн дийлэнхийг түүхий эдийн экспорт эзэлдэг. Уул уурхайн бус салбарын нийт экспорт ерөнхийдөө ноолуурын салбар дээр тогтож байна. Тухайлбал: энэ оны дөрөвдүгээр сарын статистик мэдээллээр нийт 2.7 тэрбум ам.долларын гол нэр төрлийн бараа, бүтээгдэхүүн экспортолжээ. Үүний 95 орчим хувь нь эрдэс бүтээгдэхүүний экспорт байгаа бол үлдсэн нь түүхий эдийнх байна.
Тэр дундаа 78.1 сая ам.долларыг ноос, ноолуурын төрлийн бараа, бүтээгдэхүүний экспорт бүрдүүлжээ. Эндээс харахад үнийн дүнгийн хувьд эзлэх хувь хэмжээгээр төдийлөн өсөлт гаргаагүй гэж дүгнэж болохоор байгаа юм.
Бэлэн бүтээгдэхүүний экспортын хувьд ноос, ноолууран хувцас, хэрэглэлээс бусад салбарын хөгжил, өрсөлдөх чадвар тун сул байна.
Сүүлийн гурван жилийн мэдээнд шинжилгээ хийхэд Монгол Улсын уул уурхайн бус экспортын 97 хувийг 150 орчим аж ахуйн нэгж дангаараа хийж байгааг ХХААХҮЯ мэдээллээ. Гаалийн ерөнхий газрын дөрөвдүгээр сарын статистик мэдээллээр нийт экспортын 82.2 хувийг БНХАУ-д, 11.7 хувийг Швейцар, үлдсэнийг нь ОХУ, Сингапур, Италид гаргажээ. Үүний дийлэнхийг ноос, ноолуур эзэлж байгаа аж. Үлдсэн 20 хувийн бүтээгдэхүүнийг 60 гаруй улсад гаргаж байна.
2020 онд ХХААХҮЯ-наас хийсэн экспортын саад бэрхшээлийн судалгааг 233 аж ахуйн нэгжийг хамруулан хийж байжээ. Үүнд 80 хувь нь “Зах зээлээ тэлэх”, 70 хувь нь “Орлогоо сайжруулах шаардлагатай” гэж хариулж байсан байна. Гол саад бэрхшээлд хууль зүйн орчин бодлого хангалтгүй, хөрөнгө санхүүжилт хангалтгүй зэрэг багтсан байна.
Эдгээр статистик мэдээллээс харахад экспортын бэлэн бүтээгдэхүүнийг хөгжүүлэх, экспортлогч улсынхаа тоог нэмэх, бараа, бүтээгдэхүүнээ тэдгээр орнуудад таниулах нь шаардлагатай байгаа гэж салбарын мэргэжилтнүүд дүгнэж байгаа юм.
Нийтэлсэн огноо2022-05-19
