Мэдээ мэдээлэл

Англи амин дэм Монгол улсад албан ёсоор бүртгэгдлээ.

Монгол банк: 2022 оны I улиралд ₮39.2 тэрбумын “Ногоон зээл” олгогдсон www.bloombergtv.mn

2022 оны эхний улирлын байдлаар улсын хэмжээнд 39.2 тэрбум төгрөгийн “Ногоон зээл” олгогдсоныг Монголбанк мэдээллээ. Одоогийн байдлаар “Ногоон зээл”-ийн үлдэгдэл 251 тэрбум төгрөг байна.

Өнгөрсөн оны мөн үед 43.8 тэрбум төгрөгийн “Ногоон зээл” олгогдож байжээ. Ус, хаягдлыг дахин боловсруулах тогтвортой зорилтын хүрээнд 72.3 тэрбум төгрөгийн зээл олгогдсон байна. Үүнд хог хаягдал цуглуулах, дахин боловсруулах, ус дахин боловсруулах байгууламж, системд хөрөнгө оруулжээ.

Мөн “Ногоон барилга” болон барилгын материал, бүтээгдэхүүн үйлдвэрлэхэд 64.1 тэрбум төгрөгийн зээл олгогдсон байна.

Арилжааны банкнууд болон банк санхүүгийн байгууллагууд БОАЖЯ, Сангийн яамтай хамтран тодорхой хугацааны турш “Ногоон зээл” олгох хөтөлбөр хэрэгжүүлж байгаа юм.

Түүнчлэн НҮБ-аас 2023-2027 онд хэрэгжүүлэх "Тогтвортой хөгжлийн хамтын ажиллагааны хүрээ"-нд Монгол Улсад ногоон, хүртээмжтэй, тогтвортой эдийн засгийг дэмжиж ажиллахаар болсныг мэдээлж байв.

Шинэ баримт бичгийн хүрээнд Сангийн яам ирэх гурван жилийн гадаад өрийн стратегийг дэлхийн чиг хандлагатай уялдуулан “Ногоон санхүүжилт” татахаар төлөвлөж байгаа юм.

Харин “Ногоон санхүүжилт” эрчээ аваад буй энэ үед “Ногоон бонд”-ын эрэлт олон улсын зах зээлд өндөр байна. Өнгөрсөн онд Даян дэлхийн ногоон хөгжлийн институт Перу улстай хамтран 4.8 тэрбум ам.долларын “Ногоон бонд” гаргасныг тус институтийн орлогч захирал Хелена Маклауд мэдээлсэн юм.

Даян дэлхийн ногоон хөгжлийн институтийн Орлогч захирал Хелена Маклауд

“Ногоон бонд” нь хувийн салбарт хийх санхүүжилтийг олгодог гэдэг утгаараа хөрөнгө оруулалтын орчинд маш сайхан боломж болох юм гэдгийг тэрбээр онцолж байна.

Нийтэлсэн огноо2022-06-23

Категори

Үйл явдал

Монгол банк: 2022 оны I улиралд ₮39.2 тэрбумын “Ногоон зээл” олгогдсон www.bloombergtv.mn

Үйл Явдал

Мэдээ

Facebook