Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
Аялал жуулчлалын салбарт ₮55 тэрбумын хөнгөлөлттэй зээл олгоно www.bloombergtv.mn
Аялал жуулчлалын тухай хуулийн шинэчилсэн найруулгын төсөлд агаарын тээврийн либералчлалыг эхлүүлэхээр тусгаад байна
Засгийн газрын хуралдаанаар аялал жуулчлалын салбарт 55 тэрбум төгрөгийн хөнгөлөлттэй зээл олгох шийдвэр гаргалаа. Хөнгөлөлттэй зээлийг арилжааны банкны эх үүсвэрээр шийдвэрлэх ба банкны зээлийн нийт хүүгийн долоон хувийг Засгийн газар хоёр жилийн хугацаанд төлөхөөр болсон байна.
Мөн Аялал жуулчлалын тухай хуулийн шинэчилсэн найруулгын төсөлд агаарын тээврийн либералчлалыг эхлүүлэхээр тусгасныг Засгийн газар мэдээллээ. Хуулийн хүрээнд гурван жилийн хугацаанд Монгол Улсыг зорих нислэгт хязгаарлалт тавихгүй, бүх улсаас ирэх агаарын хөлгийг хүлээн авна гэж тусгажээ. Түүнчлэн жуулчдын худалдан авсан бараа, бүтээгдэхүүний НӨАТ-ыг 100 хувь буцаан олгох, “E-Visa” олгох улс орнуудын тоог хоёр дахин нэмэгдүүлж, 48 цагийн дотор цахимаар виз олгох юм байна.
Монгол Улсын Засгийн газар 2023, 2024, 2025 оныг “Монголд зочлох жил” болгон зарлаад байгаа бөгөөд энэ хүрээнд аялал жуулчлалын салбарын эрх зүйн орчныг сайжруулах зорилгоор 2000 онд батлагдсан Аялал жуулчлалын тухай хуулийн шинэчилсэн найруулгын төслийг бэлэн болгоод байгаа юм.
Аялал жуулчлалын салбарыг эдийн засгийн тогтвортой хөгжлийн салбар болгон хөгжүүлж, аялал жуулчлал түүнийг дагасан цогц үйлчилгээг Монгол Улсад байгуулах боломж олгосноор хөрөнгө оруулалтын урсгал татах, эдийн засгийн үр өгөөжтэй аялал жуулчлал бий болгох, улсын төсөвт төвлөрөх орлогыг нэмэгдүүлэх үр нөлөөтэй гэж үзэж байна.
Монголд аялал жуулчлалыг хөгжүүлэхэд тулгарч буй хамгийн гол бэрхшээлээр олон улсын нислэгийн хүрэлцээ болон нислэгийн тийзний үнэ болохыг Дэлхийн банкны судалгаа харуулж байгаа юм.
Монгол Улсын аялал, жуулчлалын салбар 2019 онд хамгийн их буюу 577 мянган жуулчин хүлээн авч, 607 сая ам.долларын орлого олсон нь тухайн жилдээ дотоодын нийт бүтээгдэхүүний 6.4 хувийг эзэлж байв. Харин 2020 онд 58 мянга, 2021 онд 33 мянган жуулчин хүлээн авсан нь Монгол Улсын эдийн засагт ч хүндрэл үүсгэсэн юм. Харин 2023 онд нэг сая жуулчин хүлээн авч, тус салбарын орлогыг 1.2 тэрбум ам.доллар буюу 4.2 их наяд төгрөгт хүргэн дотоодын нийт бүтээгдэхүүний 11.5 хувь, 2024 онд 16 хувь хүргэхийг зорьж байна.
Нийтэлсэн огноо2022-12-01
