Ерөнхий сайд Г.Занданшатар Шанхайн хамтын ажиллагааны байгууллага (ШХАБ)-ын гишүүн орнуудын Засгийн газрын тэргүүн нарын зөвлөлийн өргөтгөсөн хуралдаанд ажиглагчаар оролцох юм байна.
Жил бүр уламжлал болгон зохион байгуулагддаг тус хурал энэ жил Оросын холбооны улсын нийслэл Москва хотноо энэ сарын 17-18-ны хооронд болох аж.
Тэгвэл МАН-ын Их хурал энэ сарын 15,16-ны өдрүүдэд болж, намын даргаа сонгох юм. МАН-ыг хуваагаад байсан намын даргын асуудал энэ хоёр өдөр шийдэгдэх учраас Ерөнхий сайд Г.Занданшатар намынхаа Их хуралд оролцоод 17-ны үүрээр Москваг зорих аж.
ШХАБ-ын гишүүн 10 орноос гадна ажиглагч улс орнуудын Засгийн газрын тэргүүнүүд тус хуралд оролцдог. Манай улс ШХАБ-т ажиглагч улсын статустай байдаг.
Уулзалтаар үндсэндээ ШХАБ-ын эдийн засаг, худалдаа, дэд бүтцийн хөгжлийн хамтын ажиллагааг хэлэлцдэг. Үүнд:
-Гишүүн орнуудын эдийн засаг, худалдаа, хөгжлийн хамтын ажиллагааг хэлэлцэх.
-Хөрөнгө оруулалт, тээвэр, дэд бүтцийн төслүүд, санхүүгийн хамтын ажиллагаа, соёл, хүмүүнлэгийн хөтөлбөрүүд-ийг авч хэлэлцэх.
-ШХАБ-ын төсөв болон хөтөлбөрүүдийг батлах.
-Төрийн тэргүүн нарын түвшний шийдвэрүүдийг хэрэгжүүлэх гэх мэт асуудлыг хэлэлцэх юм байна.
BY
Сэтгүүлч М.Булган нь iToim.mn сайтад 2015 оноос ажиллаж байна. Улс төр, нийгмийн чиглэлээр мэдээ, мэдээлэл бэлтгэдэг.

Нийтэлсэн огноо2025-11-10