Анх удаа орон сууц худалдан авсан бол зургаан сая хүртэлх төгрөг, хүүхэд нь оюутан болж сургалтын төлбөрийг нь төлсөн бол 10 хүртэлх хувийн буцаан олголт авах хүсэлтийг энэ оны нэгдүгээр сарын 1-нээс авч эхэлжээ. Буцаан олголт авахад бүрдүүлэх шаардлагатай материалын мэдээллийг хүргэж байна. Буцаан олголтыг авахын тулд Цахим тайлангийн системд нэвтэрч 2025 оны хоёрдугаар сарын 15-ны дотор тайлангаа гаргах шаардлагатай юм.
Анх удаа амьдран суух зориулалтын орон сууц худалдан авсан бол тайлан гаргахад:
Иргэний үнэмлэх /ХУР системээс автоматаар татагдана/
Нийгмийн даатгалын лавлагаа /ХУР системээс автоматаар татагдана/
Үл хөдлөх эд хөрөнгийн лавлагааг  /ХУР системээс Ү-дугаараар автоматаар татагдана/
Борлуулагчаас цахим төлбөрийн баримт авсан байх /ДДТД сугалааны дугаарыг талбарт оруулна/
Үл хөдлөх эд хөрөнгө борлуулсны хоёр хувийн татвар төлсөн баримт /төлбөрийн даалгаврын дугаар/
Татвар төлөгчийн бүрдүүлэх материал:
Худалдах – Худалдан авах гэрээ /нотариат/
Орлого нотлох баримт /Арилжааны банк болон банк бус санхүүгийн байгууллагаас авсан зээл, эсвэл татвар төлсний дараах орлого байна/
Цахим тайлан гаргах, илгээх /e-tax.mta.mn/
Буцаан олголт авах хүсэлт /цахим тайлангийн хавсралтаар байна.
Анх удаа амьдран суух зориулалтын орон сууцыг барьсан бол тайланг гаргахад:
1. “Иргэний үнэмлэх” ХУР системээс автомат
2. “Нийгмийн даатгалын лавлагаа” ХУР системээс автомат
3. “Үл хөдлөх эд хөрөнгийн лавлагааг” ХУР системээс Ү-дугаараар автомат
Дээрх мэдээлэл нь цахим тайлангийн системд/e-tax.mta.mn/ татах үйлдэл хийснээр автоматаар татагдана.
Татвар төлөгчийн бүрдүүлэх материал:
1. “Хөрөнгийн үнэлгээний тайлан” үнэлгээчнээр үнэлүүлэх
2. “Орлого нотлох баримт” Арилжааны банк болон банк бус санхүүгийн байгууллагаас авсан зээл, эсвэл татвар төлсний дараах орлого байна.
3. Цахим тайлан гаргах, илгээх /e-tax.mta.mn/
4. Буцаан олголт авах хүсэлт /цахим тайлангийн хавсралтаар байна.
Оюутны сургалтын төлбөрийн буцаан олголт авахад
Иргэний үнэмлэх /ХУР системээс автоматаар татагдана/
Нийгмийн даатгалын лавлагаа /ХУР системээс автоматаар татагдана/
Татвар төлөгчийн бүрдүүлэх материал:
Цахим тайлан гаргах, илгээх /e-tax.mta.mn/
Сургуулийн тодорхойлолт
Сургалтын төлбөр төлсөн баримт
Буцаан олголт авах хүсэлт /цахим тайлангийн хавсралтаар байна/
Шаардлагатай тохиолдолд:
a. Дагавар, үрчилж авсан хүүхэд болон асран хамгаалагчаар тогтоогдсон асрамж, дэмжлэгт байгаа хүүхэдтэй бол засаг даргын тодорхойлолт /файлаар/
b. Орлого нотлох баримт зэргийг тус тус бүрдүүлнэ.

Нийтэлсэн огноо2026-01-06