Мэдээ мэдээлэл

Англи амин дэм Монгол улсад албан ёсоор бүртгэгдлээ.

I-IX сард зэсийн баяжмалын экспорт өмнөх оны мөн үеэс 6700 тонноор буурчээ www.bloombergtv.mn

Оны эхний есөн сарын гүйцэтгэлээр зэсийн баяжмалын экспорт нэг сая тонн болж, өмнөх оны мөн үеэс үл ялиг буюу 6700 тонноор буурсан талаар Гаалийн ерөнхий газар мэдээллээ. Гол экспортлогчдын нэг “Оюу Толгой”-ийн хөрөнгө оруулагч “Rio Tinto” компани ойрын таван жилд зэсийн зах зээл тэнцвэртэй байна гэж харж байгаагаа санхүүгийн тайландаа дурдаж байлаа.

Оны эхний есөн сард нэг тонн зэсийн баяжмалын экспортын дундаж үнэ 1332.7 ам.доллар болж өнгөрсөн оны мөн үетэй харьцуулахад дөрвөн хувиар буурсан талаар Гаалийн ерөнхий газрын мэдээлэлд дурдсан байна. АНУ, БНХАУ-ын худалдааны маргаан үйлдвэрлэл, дэд бүтцэд түлхүү ашигладаг зэсийн үнэ буурахад хүргэж байгаа юм.

Сүүлийн хагас жилд Лондоны Металлын биржид зэсийн үнэ 12 гаруй хувиар буурчээ. Оны эхний есөн сарын гүйцэтгэлээр цайрын экспорт 7000 орчим тонноор нэмэгдэж, 100 гаруй мянган тонн болсон байна. Хэдий тийм боловч мөнгөн дүнгээр зургаан хувиар буурч, 145 сая ам.доллар болжээ. Өнгөрсөн 2018 оны мөн үетэй харьцуулахад нэг тонн цайрын экспортын дундаж үнэ 200 орчим ам.доллароор буурч, 1441.2 ам.доллар болсон байна.

БНХАУ-ын цайрын олборлолт нэмэгдсэн, Лондоны Металлын биржийн агуулахын нөөц нэмэгдсэн зэрэг шалтгаанаар цайрын ханш буурчээ. Хэдий тийм боловч оны үлдсэн хугацаанд үнэ эргэн сэргэнэ гэж Монголын цайрын экспортын дөрөвний гурав орчмыг гаргадаг "Цайрт минерал" ХХК таамаглаж байна.

Тус компани оны эхний найман сард нийт 62 мянган тонн цайрын баяжмал экспортолсон нь өнгөрсөн оны мөн үеэс 10 хувиар их дүн болжээ. Гэхдээ оны эхний хагас жилд экспорт өндөр байсан бол зөвхөн наймдугаар сарын дүнгээр нийлүүлэлт жилийн өмнөхөөс 14-15 хувиар буурсан талаар мэдээллээ.

Нийтэлсэн огноо2019-10-10

Категори

Үйл явдал

I-IX сард зэсийн баяжмалын экспорт өмнөх оны мөн үеэс 6700 тонноор буурчээ www.bloombergtv.mn

Үйл Явдал

Мэдээ

Facebook