Үйлдвэрлэл, худалдаа, үйлчилгээний салбарт ажилладаг 10 хүртэл ажилтантай, жилийн 300 сая төгрөг хүртэл борлуулалтын орлоготой хоршоо, нөхөрлөл, компанийг бичил, 10-50 хүртэл ажилтантай, жилийн 300 саяас нэг тэрбум төгрөг хүртэл орлоготой бол жижиг, 50-200 хүртэл ажилтантай, жилийн 1-2.5 тэрбум төгрөг хүртэл орлоготой бол дунд үйлдвэр, үйлчилгээ эрхлэгч гэж ангилдаг байна. Өнөөдрийн байдлаар улсын хэмжээнд жижиг, дунд үйлдвэр, үйлчилгээ эрхлэгч 76561 аж ахуйн нэгж бүртгэлтэй байна. Эдгээр аж ахуй нэгжүүдэд нийт 253095 хүн ажиллаж байгаа ажээ.

Энэ онд жижижг, дунд үйлдвэрлэл эрхлэгчдэ 40 тэрбум төгрөгийн зээл олгохоор төлөвлөжээ. Хүнс, хөдөө аж ахуй, хөнгөн үйлдвэрийн сайд Ж.Энхбаяр "Жижиг, дунд үйлдвэрийг хөгжүүлэх сан өмнө олгосон зээлийн эргэн төлөлтөөр ажиллаж байгаа бөгөөд 2025 онд 40 тэрбум төгрөгийн зээл олгоно гээд санд шинээр эх үүсвэр нэмэгдээгүй, улсын төсөвт суугаагүй тул дутагдалтай байгаа" гэв.