Ураны үнэ сүүлийн таван жилд 233 хувиар өсөж, бусад ашигт малтмалыг тэргүүлжээ

Монгол Улсын анхны ураны төсөл болох "Зөөвч-Овоо" орд нь ирэх 30 жилийн хугацаанд жил бүр 2750 тонн уран үйлдвэрлэж, дэлхийн нийт үйлдвэрлэлийн дөрвөн хувийг бүрдүүлэх үзүүлэхээр байгааг АНУ-ын “Time” сэтгүүл онцоллоо.

"Зөөвч-Овоо" ураны орд нь сүүлийн 20 жилд илрүүлсэн 10 том ордын нэгд зүй ёсоор орж байгаа юм. "Зах зээлд ураны эрэлт өсөх нь тодорхой байгаа тул монгол улсын хувьд төслийг эхлүүлэх тохирсон цаг үе нь ирсэн" гэж Францын талаас мэдэгджээ.

Монгол Улсын хувьд ураны нөөцөөрөө дэлхийд хоёрдугаарт бичигдэж буй тул дэлхийн сэргээгдэх эрчим хүчний шилжилтэд чухал тоглогч болох бүрэн боломжтой байна гэж шинжээчид үзэж байна. Одоогийн байдлаар дэлхийн ураны нийлүүлэлтийн сүлжээнд Казахстан болон Канад улс тэргүүлж байгаа юм.

Уур амьсгалын өөрчлөлт эрчимжиж, улс орнуудын Засгийн газрууд атомын цахилгаан станцын чиглэлд эргэн анхаарал хандуулж эхэллээ. Цөмийн эрчим хүчний энэхүү эргэн ирэлтийн цар хүрээ, хурдыг илтгэх хүчин зүйл нь ураны үнийн огцом өсөлт болж байна.

Ураны үнэ сүүлийн таван жилийн хугацаанд лити, зэс, мөнгө зэрэг бусад чухал ашигт малтмалыг өсөлтөөрөө хол тэргүүлсэн үзүүлэлттэй байгаа юм. Тухайлбал: үнэ нь 2019-2014 онд 233 хувийн өсөлт үзүүлжээ. “Tradetech” компанийн тооцооллоор 2030-аад оны үед ураны эрэлт нийлүүлэлтээ жилд дунджаар 100 сая фунтээр давахаар байгаа аж.