Хот байгуулалтын кадастрын цахим систем www.urban.gov.mn -ийг хэрэглэх албан хаагчдын сургалт болж байна.
Газар зохион байгуулалт, геодези, зураг зүйн ерөнхий газрын мэдээлснээр, Хот байгуулалтын кадастрын цахим системийн нэмэлт хөгжүүлэлтийн ажил хийж дууссантай холбогдуулан 21 аймгийн холбогдох байгууллагын 76 албан хаагч энэ сарын 22-ныг хүртэл тус сургалтад хамрагдах аж.
Хот байгуулалтын кадастрын цахим систем www.urban.gov.mn-д барилга байгууламж, тохижилт, ногоон байгууламж, инженерийн шугам сүлжээний мэдээллийг бүртгэх болон барилгын архитектур төлөвлөлтийн даалгавар, шугам сүлжээний зургийн даалгаврын хүсэлтийг шийдвэрлэх юм. Барилга байгууламжийг ашиглалтад оруулах комиссын дүгнэлт боловсруулан гаргах хүртэлх шат дараалсан үйл ажиллагааг хийж гүйцэтгэж туршлага хуримтлуулаад байна. 
Мөн улсын хэмжээнд 500.000 гаруй барилгын мэдээллийн санг үүсгэн газар болон үл хөдлөх, эд хөрөнгийн нэгдсэн системийг байгуулж, хэрэглээнд нэвтрүүлснээр гурав болон дөрвөн /3d, 4d/ хэмжээст кадастрын мэдээллийн нэгдсэн системийг байгуулах суурь бүрдэх юм.