МАН-ын Удирдах зөвлөлд Ерөнхий сайд Г.Занданшатарын Засгийн газарт дэд сайдаар томилох 14 хүнийг МАН-ын Ерөнхий нарийн бичгийн дарга Я.Содбаатар танилцууллаа. Нийт 16 дэд сайд томилох бөгөөд өнөөдөр танилцуулсан 14 хүнийг томилно. Хот байгуулалт барилга, орон сууцжуулалтын яам, Боловсролын дэд сайд нараар томилох хүмүүсийг өнөөдөр танилцуулаагүй юм.
Засгийн газар бүтээмж болон хяналтын 128 менежер, сайд нарын зөвлөхүүд гээд нийт 150 орчим албан тушаалыг цомхотгож, оронд нь 16 дэд сайдыг томилж байгаа юм.
Гадаад харилцааны дэд сайд Г.Амартүвшин- Гадаад харилцаа хариуцан ажиллана.
Сангийн дэд сайд Б.Хулан-Татварийн шинэчлэл, ОУ-ын санхүүгийн хэлэлцээр хариуцна.
Хууль зүй, дотоод хэргийн дэд сайд Д.Мөнх-Эрдэнэ -Хууль зүй, дотоод хэрэг хариуцан ажиллана.
Байгаль орчин, уур амьсгалын өөрчлөлтийн дэд сайд Б.Мөнхтамир - COP 17- ложистик, зохион байгуулалт, гадаад харилцаа, хэлний мэдлэг, менежмэнт , Тэрбум Мод төслийн хэрэгжилт, Уур амьсгалын өөрчлөлтийн томоохон төсөл хөтөлбөрүүд хариуцан ажиллана.
Батлан хамгаалахын дэд сайд Д.Баасандамба -Батлан хамгаалах
Зам тээврийн дэд сайд Г.Ганболд -Зам тээвэр
Гэр бүл, нийгмийн хамгааллын дэд сайд Б.Солонгоо -Нийгмийн даатгалын шинэчлэл, Гэр бүлийн хууль, Хөдөлмөр, нийгмийн хамгааллын хууль эрхзүйн шинэчлэлийн асуудлыг хариуцна.
Хүнс, хөдөө аж ахуй, хөнгөн үйлдвэрийн дэд сайд Б.Нямжав -Цагаан алт, Хүнсний хувьсгал зэрэг томоохон төсөл хөтөлбөрүүдийг хариуцан ажиллана.
Аж үйлдвэр, эрдэс баялгийн дэд сайд Б.Энхтүвшин -Газрын тос, бензин шатахууны хангалтын асуудал хариуцна Оюу толгойн татварын асуудал хариуцан ажиллана.
Эрчим хүчний дэд С.Далхаасүрэн -Эрчим хүчний салбар
Аялал жуулчал, соёл, спорт, залуучуудын дэд Г.Дашням -Спорт, аялал жуулчлал хариуцна.
Цахим хөгжил, инновац, харилцаа холбооны Дэд сайд Г.Баярхүү -Цахим хөгжил, инновац, харилцаа холбоо хариуцан ажиллана.
Эрүүл мэндийн Дэд сайд Г.Номин -Нийгмийн эрүүл мэндийн салбарыг хариуцна
Эдийн засгийн хөгжлийн дэд сайд Дэд сайд С.Даваасүрэн-Монгол Улсын 2026-2030 онд хөгжүүлэх таван жилийн үндсэн чиглэлийг тус тус хариуцан ажиллахаар танилцуулсан байна.
By
Сэтгүүлч М.Булган нь iToim.mn сайтад 2015 оноос ажиллаж байна. Улс төр, нийгмийн чиглэлээр мэдээ, мэдээлэл бэлтгэдэг.

Нийтэлсэн огноо2025-12-17