Засгийн газрын 2022.12.21-ний өдрийн 476 дугаар тогтоолоор “Шинэ тойрог зам” төслийн хэсэг болох Нисэхийн хурдны замыг Туулын авто замтай холбоно. 

Энэ авто замыг барих ажлыг эрчимжүүлэхийг холбогдох төр захиргааны байгууллагуудад үүрэг болгосон.

Тусгай хамгаалалттай газар нутгийн тухай хуулийн 27 дугаар зүйлийн 27.8-д "тусгай хамгаалалттай газар нутгийн зөвшөөрөгдсөн бүс дэх суурин газрын ерөнхий төлөвлөгөө, шинээр байгуулах аялал, жуулчлалын бааз, амралт, сувиллын байршил, төслийг холбогдох төрийн захиргааны төв байгууллагуудтай хамтран хянан батлах", 
Газрын тухай хуулийн 5 дугаар зүйлийн 5.1-д "Монгол Улсын иргэдэд өмчлүүлснээс бусад газар төрийн өмч мөн", 29 дүгээр зүйлийн 29.10.2-д "холбогдох эрх бүхий байгууллагын шийдвэрээр олон улс, улс, орон нутгийн чанартай томоохон дэд бүтэц, бүтээн байгуулалт хийх, олон улсын зээл тусламж, улс, орон нутгийн төсвийн хөрөнгөөр инженер, нийгмийн дэд бүтэц байгуулахаар төлөвлөж байгаа газартай давхацсан" 43 дугаар зүйлийн 43.6-д "Нөхөх олговор нь газар ашиглаж байгаа иргэн, аж ахуйн нэгж, байгууллагад хамаарахгүй” гэж заасан.
Мөн

Улаанбаатар хотын Тогтвортой авто зам, тээвэр төсөл хэрэгжүүлэх нэгжээс 2024.11.05-ны өдрийн 459 дугаартай албан бичиг,
Нийслэлийн Засаг даргын 2024 оны 12 дугаар сарын 27-ны өдрийн 01/7471 дугаартай албан бичиг, Байгаль орчин, уур амьсгалын өөрчлөлтийн яамны Тусгай хамгаалалттай газар нутгийн бодлогын хэрэгжилтийн газрын 2025 оны 01 дүгээр сарын 17-ны өдрийн 06/256 дугаартай албан бичиг,
Нийслэлийн Засаг даргын 2024 оны 12 сарын 16-ны өдрийн А/1477, 2025 оны 10 дугаар сарын 22-ны өдрийн А/1481 тус тус захирамж, архитектур төлөвлөлтийн авто зам, замын байгууламж төлөвлөх 2020 оны 02 дугаар сарын 10-ны өдрийн ГБМЗХ2020/04-033,
2025 оны 09 дугаар сарын 15-ны өдрийн 2025/00-1073,
2025 оны 01 дүгээр сарын 16-ны өдрийн 2025/00-050,
2025 оны 09 дүгээр сарын 15-ны өдрийн 2025/00-1075,
2024 оны 10 дугаар сарын 21-ний өдрийн МЗХ2024/00-831 дугаар бүхий даалгаврын дагуу доорх:
📌 Хан-Уул дүүргийн 8 дугаар хороо Архивчдын гудамж, Морин тойруулга, Наадамчдын гудамжнаас Нүхтийн авто замтай холбосон зам;
📌 Хан-Уул дүүргийн 22-р хороо Хийморийн овооны арын замаас Ар зайсангийн гудамж хүртэлх авто зам;
📌 Баянзүрх дүүрэг, Хан-Уул дүүргийн нутаг дэвсгэрт дайран өнгөрөх Туул гол дагуу "Туулын хурдны авто зам";
📌 Хан-Уул дүүрэг 11 дүгээр хороо, Хүмүүн суруулийн урд тал Ар зайсангийн гудамж хүртэлх авто зам;
📌 Хан-Уул дүүргийн 23 дугаар хороо, Наадамчдын замаас Арцатын ам хүртэлх авто зам, Улаанбаатар хотын захиргаа, Хангарьд ордны зүүн талын авто зам;
📌 Хан-Уул дүүрэг 24 дүгээр хороо, Наадамчдын замын урд талаас Хүүшийн амны авто зам; 

Батлагдсан авто замуудын трасст өртөж буй газар ашиглагчдын газар ашиглах эрхийг хэсэгчлэн цуцлах болсон. Иймд Захиргааны ерөнхий хуулийн 26 дугаар зүйлийн 26.1 дэх хэсэг, 27 дугаар зүйлийн 27.4.2 дахь заалтад заасны дагуу хавсралтад дурдагдсан иргэн, хуулийн этгээдүүд хариу тайлбарыг 2026.03.23-ны өдрийн дотор тус Хамгаалалтын захиргаанд ирүүлэхийг мэдэгдье.

Жич: Тогтоосон хугацаанд хариу тайлбар ирүүлээгүй нь хууль журмын дагуу таны газар ашиглах эрхийг цуцлахад саад болохгүй болохыг анхаарна уу гэж Богдхан уулын дархан цаазат газрын Хамгаалалтын захиргаа мэдэгдэв.

Нийтэлсэн огноо2026-03-16