Хөрөнгө оруулалт нь үйлдвэрлэлийн хүчин чадлыг нэмэгдүүлж, шинэ дэд бүтэц, техник технологи, ажлын байр бий болгож, бүтээмжийг өсгөх замаар эдийн засгийн өсөлтийг дэмждэг.

Гадаадын шууд хөрөнгө оруулалт нь үүн дээр нэмээд валютын урсгал, олон улсын зах зээл, менежментийн туршлага, шинэ технологийг авчирч, урт хугацаанд тухайн улсын эдийн засгийн чадавх, өрсөлдөх чадварыг нэмэгдүүлдэг байна. 

“Оюу толгой” Монгол Улсад 2010-2024 оны хоорондох 15 жилийн хугацаанд 44.7 их наяд төгрөгийн хөрөнгө оруулалт хийжээ. Энэ хугацааны Монгол Улсад хийгдсэн нийт хөрөнгө оруулалтын 21 хувь, гадаадын шууд хөрөнгө оруулалтын 35 хувийг “Оюу толгой” үйлдвэр дангаараа хийжээ. 

Нэг хүнд ногдох ДНБ гэдэг нь тухайн улс нэг жилд бүтээсэн нийт баялгийг хүн амын тоонд хувааснаар гардаг дундаж хэмжээ юм. Өөрөөр хэлбэл, улс орон нэг жилд бүтээсэн баялгаа бүх иргэддээ тэнцүү хуваавал нэг хүнд хэд ноогдох вэ гэдгийг харуулдаг үзүүлэлт. 

Дэлхийн банкны ангиллаар тухайн улсын нэг хүнд ногдох ДНБ 4470 америк доллароос дээш бол дунджаас дээш орлоготой улс орон гэж тодорхойлдог. 

2022 оноос Монгол Улсын нэг хүнд ногдох ДНБ 5000 америк долларт хүрч, дунджаас дээш орлоготой улс орон болсон. 2021-2024 онд “Оюу толгой” үйлдвэр Монгол Улсын нэг хүнд ногдох ДНБ-ий жилд дунджаар 770 ам.долларыг нь бий болгожээ.  

Эх сурвалж: MMCG, "Монгол Улсын эдийн засаг, нийгэмд “Оюутолгой” ХХК-ийн оруулж буй хувь нэмэр судалгаа"-наас

Нийтэлсэн огноо2026-03-25