Монгол Улсад тэмээний тоо толгойг өсгөх, түүхий эд болон ноос ноолуур, сүү зэргийг бүрэн ашиглах чиглэлд дотоодын үйлдвэрлэлд анхаарах болсон. Мөн ингэний сүүний болон бусад хүнсний чиглэлийн үйлдвэрлэгч нэгдлүүдийн төслийг экспортлоход талуудын хамтын ажиллагааг өргөжүүлж буй юм байна. 

Энэ хүрээнд "Монгол тэмээний эдийн засаг" сэдэвт уулзалтыг гурав дахь жилдээ зохион байгуулж байна. Ингэснээр малчид, ААН-үүд бүтээгдэхүүнээ экспортлох боломжийг бий зорилготой. 

Одоогоор сүүн, арьс шир, гоо сайхан, чацарганын бүтээгдэхүүн гэсэн дөрвөн чиглэлд үйлдвэрлэлийг хөгжүүлж буй. Мөн хүнс үйлдвэрлэлийн болон үйлчилгээний салбарт гурваас доошгүй хамтын нэгдлийг үүсгээд буй аж.

Энэ арга хэмжээ нь МҮХАҮТ болон "ЕвроЧамбер Монголия" байгууллагуудын хамтран хэрэгжүүлж буй ЖДҮ эрхлэгчдийн экспортын чадавхыг нэмэгдүүлж, тэднийг Европын Холбоо,бүс нутгийн зах зээлд гаргах, экспортын салбарын хамтын нэгдлүүдийг хөгжүүлэх урт хугацааны төслийн хэсэг юм.

Уулзалтад хамтын нэгдлийн гишүүд, мэдлэгийн түнш, мэргэжлийн судлаачид, хувийн хэвшил, холбогдох төрийн болон эрдэм шинжилгээ, судалгааны байгууллагын төлөөллүүд оролцож байна.

Экспортын санхүүжилтийг хүртээмжтэй болгох шалгууруудыг хангахад чиглэсэн үйл ажиллагааг ХХААХҮЯ, МҮХАҮТ, (МЭКС) болон олон улсын төслүүд харилцан холбоотойгоор, Европын Холбооны зах зээлд өрсөлдөх чадвартай Монгол брэндүүдийг түүний дотор тэмээний эдийн засгийн бүтээгдэхүүнүүдийг бий болгох урт хугацааны төслийг хэрэгжүүлэхийг зорьжээ.

Нэгдсэн бодлогын хүрээнд оролцогч талуудын дунд экспортын бодлогыг баталгаажуулж, тэднийг Европын болон олон улсын байгууллагуудтай хамтын ажиллагааны платформтой холбох юм байна.

Шинэ эсвэл сайжруулсан тогтвортой бүтээгдэхүүний хөгжлийг дэмжих, зах зээлийн судалгаа хийх, хэрэглээнд чиглэсэн тогтвортой онлайн бизнесийн шийдлүүдийг хөгжүүлж эхэлжээ. 

ТХХХ оролцогч талуудаас бүрдсэн гадаад худалдааны үндэсний яриа хэлэлцээний тогтолцоог бий болгож, гадаад худалдааны бодлого хариуцсан яамдын чиг үүргийг тодорхой болгох аж. 

Түүнчлэн дээрх төрлийн чиглэлээр түлхүү эмэгтэйчүүд үйлдвэрлэл, борлуулалт хийдэг гэдгийг онцолж байсан юм. Тиймээс "Европын Худалдааны өдөр" арга хэмжээг жил бүр зохион байгуулж, бизнес эрхлэгч эмэгтэйчүүдэд тулгардаг асуудлуудыг шийдвэрлэхэд гарц хайна гэдгийг дурдаж байлаа. 

Дэлхийн тэмээний өдөрт зориулан ЕХ-ны "Олон улсын худалдааг дэмжих" төсөл, Ази тивийн сүүний түншлэлийн нарийн бичгийн даргийн газар, ХХААХҮЯ, Монголын ингэний сүүний төлөөлөл ,Экспорт холбооны сүлжээ,ТББ-тай хамтран "Монгол тэмээний эдийн засаг" сэдэвт уулзалтыг энэ хөтөлбөр нь уур амьсгалын өөрчлөлттэй зохицсон тогтвортой байдал тойрог эдийн засгийн загварыг бизнест нэвтрүүлэх, Европ руу гарах бүтээгдэхүүнийг олон улсын стандартын дагуу баталгаажуулж, бүртгэхэд анхаарч байгааг онцолсон юм. 

О.Даваажаргал

Нийтэлсэн огноо2026-06-23